ରାଇରଙ୍ଗପୁର: ରଜ ସଂକ୍ରାନ୍ତିରେ ଅଘଟଣ । ମୟୂରଭଞ୍ଜ ଜିଲ୍ଲା ମହୁଲଡିହା ଥାନା ଅନ୍ତର୍ଗତ ଘୁଳଘୁଳିଆ ନଦୀ ପୋଲ ଉପରେ ବାଇକ ଓ କାର ମୁହାଁମୁହିଁ ଧକ୍କା । ଫଳରେ ଦୁଇ ବାଇକ ଆରୋହୀ ଗୁରୁତର ଥିବା ଜଣାପଡିଛି । ଶ୍ବଶୁର ଘରୁ ବାଇକ ଯୋଗେ ନିଜ ଗାଁକୁ ଯାଉଥିବା ବେଳେ ଏହି ଅଘଟଣ ଘଟିଥିବା ଜଣାପଡିଛି ।
ବାଇକ ଓ କାର ମୁହାଁମୁହିଁ ଧକ୍କା, ଦୁଇ ଗୁରୁତର
ସୂଚନାନୁଯାୟୀ, ବାଇକରେ ଆନନ୍ଦପୁର ଥାନା ବାଉଁଶଗଡ ଗ୍ରାମର ନକୁଳ ନାୟକ ଓ ଗୌତମ ନାୟକ କରଞ୍ଜିଆ ଥାନା ଅଧିନ କୁଳିପୋଶି ଗ୍ରାମରେ ଥିବା ଶ୍ବଶୁର ଘରୁ ବାଇକ ଯୋଗେ ନିଜ ଗ୍ରାମ ବାଉଁସଗଡ ସୁନ୍ଦୁରିଆ ଯାଉଥିଲେ । ଏତିକି ବେଳେ ମହୁଲଡିହା ଥାନା ଅନ୍ତର୍ଗତ ୫୩ ନଂ ରାଜ୍ୟ ରାଜପଥ ଘୁଳଘୁଳିଆ ପୋଲ ଉପରେ ବିପରୀତ ଦିଗରୁ ଆସୁଥିବା ଏକ ମାରୁତି କାର ନଂ OD01E 1341 ନଂ ସହ ବାଇକର ମୁହାଁମୁହିଁ ଧକ୍କା ହୋଇଥିଲା । ଫଳରେ ବାଇକ ଆରୋହୀ ଦୁଇଜଣ ଗୁରୁତର ଆହାତ ହୋଇଥିଲେ ।