ମୟୂରଭଞ୍ଜ: ଗତ ମେ' ମାସ ୧୭ ତାରିଖ ଦିନ ଖୁଣ୍ଟା ଥାନା ମହୁଲଡିହି ଗ୍ରାମ ପୋଖରୀରୁ ଜଣେ ଯୁବକର ମୃତଦେହ ଉଦ୍ଧାର କରାଯାଇଥିଲା । ଉକ୍ତ ଘଟଣାରେ ପୋଲିସ୍ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରିଥିଲା । ଏବେ ଏହି ଅପମୃତ୍ୟୁ ହତ୍ୟାକାଣ୍ଡରେ ରୂପାନ୍ତରିତ ହୋଇଛି । ପୋଲିସ୍ ତଦନ୍ତ ପରେ ଘଟଣାର ସତ୍ୟତା ସାମ୍ନାକୁ ଆସିଛି । ସାଙ୍ଗ ହତ୍ୟାକାରୀ ବୋଲି ଜାଣିବା ସହିତ ଅଭିଯୁକ୍ତକୁ ଭୁବନେଶ୍ବରରୁ ଗିରଫ କରି ଖୁଣ୍ଟା ପୋଲିସ୍ । ଗିରଫ ଅଭିଯୁକ୍ତ ଜଣକ ମହୁଲଡିହି ଗ୍ରାମର ବିଶ୍ବନାଥ ମୁର୍ମୁ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ସୂଚନା ଅନୁସାରେ ମହୁଲଡିହି ଗ୍ରାମରୁ ସରଣେଶ୍ବର ନାମକ ଯୁବକ ଜଣକ ନିଜ ଗ୍ରାମରୁ ମେ ୧୫ ତାରିଖରୁ କେଉଁଆଡେ ନିଖୋଜ ହୋଇଯାଇଥିବା ଖବର ଆସିଥିଲା । କିଛି ଦିନ ପରେ ଯୁବକଙ୍କ ମୃତଦେହ ଉଦ୍ଧାର ହେବା ପରେ ପରିବାର ଲୋକେ ହତ୍ୟା ଅଭିଯୋଗ ଆଣିଥିଲେ । ଏହାପରେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା ।