ରାଇରଙ୍ଗପୁର: ଆକ୍ସନ ମୋଡରେ ରାଇରଙ୍ଗପୁର ଅବକାରୀ ବିଭାଗ । ମୟୂରଭଞ୍ଜ ଜିଲ୍ଲା ବାମନଘାଟି ଉପଖଣ୍ଡର ବିଭିନ୍ନ ଦୁର୍ଗମ ଅଞ୍ଚଳରେ ଚୋରା ମଦ ତିଆରି କରି କୁଟୀର ଶିଳ୍ପ ଚଳାଇଥିବା ଚୋରା ମଦ ବେପାରୀଙ୍କ ଉପରେ ଲଗାମ କଷିବା ଆରମ୍ଭ କରିଛି ଅବକାରୀ ବିଭାଗ ।
ଆକ୍ସନ ମୋଡରେ ଅବକାରୀ ବିଭାଗ
ମୟୂରଭଞ୍ଜ ଜିଲ୍ଲାର ଅବକାରୀ ବିଭାଗର ଆରକ୍ଷୀ ଅଧିକ୍ଷକ ପୁରୁଷୋତ୍ତମ ଧାରୁଆଙ୍କ ନିର୍ଦ୍ଦେଶକ୍ରମେ ଗୋରୁମହିଷାଣୀ ଥାନା ଅଧୀନରେ ଥିବା ଜାମପାଣି ଗ୍ରାମ ଓ କୁଲଡ଼ିହା ଗାଁରେ ଚଢ଼ାଉ କରାଯାଇଛି। ରାଇରଙ୍ଗପୁର ଅବକାରୀ ବିଭାଗର ଭାରପ୍ରାପ୍ତ ଅଧିକାରୀ ହରିହର ସିଂ ସଦଳବଳେ ଚଢ଼ାଉ କରି ବ୍ୟାପକ ପରିମାଣର ମଦରନ୍ଧା ସରଞ୍ଜାମ ଜବତ କରିବା ସହ ୧୦୦ ଲିଟର ଦେଶୀ ମଦ ଜବତ କରିଛନ୍ତି ।