ରାଇରଙ୍ଗପୁର: ପୁନର୍ବାର ଫେରିଲେ ୨୨ ଟିକିଆ ଝାଡଖଣ୍ଡି ହାତୀପଲ । ମୟୁରଭଞ୍ଜ ଜିଲ୍ଲାର କରଞ୍ଜିଆ ବନଖଣ୍ଡରେ ଥମିବାର ନାଁ ଧରୁନି ହାତୀ ଆତଙ୍କ । ହାତୀଙ୍କ ଉପଦ୍ରବ ଦେଖି ସ୍ଥାନୀୟ ଲୋକଙ୍କ ମନରେ ଖେଳିଯାଇଛି ଭୟର ବାତାବରଣ ।
ବାଇଶି ଟିକିଆ ହାତୀପଲ କରଞ୍ଜିଆ ବନଖଣ୍ଡ ସାରାଙ୍ଗଗଡ ସଂରକ୍ଷିତ ଜଙ୍ଗଲରୁ ବାହାରି ବଡସରେଇ, ଚାନ୍ଦୁସାହି, ମେଘୁଆପାଳ, ମଦରଙ୍ଗାଯୋଡି, ସାନବଡପୋଷି ଓ ହାତିତାଣ୍ଡି ଗ୍ରାମରେ ପଶି ବ୍ୟାପକ ଫସଲ ନଷ୍ଟ କରିବା ସହିତ ମେଦୁଆପାଳ ଗ୍ରାମରେ ଦୁଇଟି ଘର ଭାଙ୍ଗି ଥିବା ସୂଚନା ମିଳିଛି । ତେବେ ହାତୀପଲ ସାନବଡପୋଷି ସଂରକ୍ଷିତ ଜଙ୍ଗଲରୁ ବାହାରି ହାତିତାଣ୍ଡି ଗ୍ରାମରେ ଏକର ଏକର ଜମିରେ ବ୍ୟାପକ ଫସଲ କ୍ଷୟକ୍ଷତି କରିବା ସହିତ ସିଙ୍ଗଡ଼ା-କରଞ୍ଜିଆ ୫୩ ନଂ ଜାତୀୟ ରାଜପଥ ଦେଇ ସରାସପୋଷି ସଂରକ୍ଷିତ ଜଙ୍ଗଲକୁ ପଳେଇ ଯାଇଥିଲେ।
ଭିଡ଼ିଓ ସୌଜନ୍ୟ: ପ୍ରତିନିଧି,ରାଇରଙ୍ଗପୁର