ବାରିପଦା: ଗର୍ଜିଲେ-ଡରାଇଲେ-ଭାଙ୍ଗିଲେ । ଏକ ଛୁଆ ହାତୀ କୂଅ ଭିତରେ ପଡିଯିବା ପରେ ଅନେକ ଘର ଭାଙ୍ଗିବା ସହ ବନ ବିଭାଗରେ ଗାଡିକୁ ରାସ୍ତାତଳକୁ ଖସାଇଦେଲେ ହାତୀପଲ । ଏଭଳି ଘଟଣା ଘଟିଛି ମୟୂରଭଞ୍ଜ ମୋରଡ଼ା ବ୍ଲକ ରାସଗୋବିନ୍ଦପୁର ରେଞ୍ଜ ଅଧିନ ଚାକୁଣ୍ଡାପଦା ଗ୍ରାମରେ । ଏକ ହାତୀ ଛୁଆ କୂଅ ଭିତରେ ପଡିଯିବାପରେ ଏପରି ଦୌରାତ୍ମ୍ୟ ଆରମ୍ଭ କରିଦେଇଛନ୍ତି ହାତୀପଲ ।
ଛୁଆ ହାତୀ ପାଇଁ ରାତିସାରା ମାତିଲେ ହାତୀପଲ, ଓଲଟାଇ ଦେଲେ ବନବିଭାଗ ଗାଡି
ସୂଚନା ଅନୁଯାୟୀ ଗତ କିଛିଦିନ ଧରି ଉକ୍ତ ଅଞ୍ଚଳରେ ଏକ ୧୫ ଟିକିଆ ହାତୀପଲ ବିଚରଣ କରୁଥିବା ବେଳେ ଗତକାଲି ସନ୍ଧ୍ୟାରେ ଖାଦ୍ୟ ଅନ୍ୱେଷଣରେ ଚାକୁଣ୍ଡାପଦା ଗାଁରେ ପ୍ରବେଶ କରିଥିଲେ । ଏହି ସମୟରେ ଭୁଟା ପାତ୍ରଙ୍କ ଘର ନିକଟରେ ଥିବା ଏକ କୂଅରେ ହାତୀଛୁଆ ପଡିଯାଇଥିଲା । ଏନେଇ ଖବର ପାଇଁ ଘଟଣାସ୍ଥଳରେ ବନବିଭାଗ, ଅଗ୍ନିଶମ ବିଭାଗର ବାରିପଦା ଏବଂ ବେତନଟୀ ରୁ ଆସିଥିବା ଦୁଇଟି ଟିମ ପହଞ୍ଚି ଥିଲେ ମଧ୍ୟ ଛୁଆ ହାତୀଟିକୁ ଉଦ୍ଧାର କରିବାରେ ସଫଳ ହୋଇନାହାନ୍ତି ।