ବାରିପଦା: ରାସଗୋବିନ୍ଦପୁର ରେଞ୍ଜକୁ ପସି ଆସିଛନ୍ତି ହାତୀ । 15 ଦିନ ହେବ ରାସଗୋବିନ୍ଦପୁର ବନଖଣ୍ଡରେ ଉତ୍ପାତ କରୁଛନ୍ତି 14 ଜଣିଆ ହାତୀପଲ । ଘଉଡ଼ାଇବାକୁ ଯାଇଥିବା ଜଣେ ବୃଦ୍ଧ ହାତୀ ଆକ୍ରମଣର ଶିକାର ହୋଇଛନ୍ତି ।
ହାତୀ ଆକ୍ରମଣରେ ଜଣେ ଗୁରୁତର
ରବିବାର ମୟୁରଭଞ୍ଜ ଜିଲ୍ଲା ରାସଗୋବିନ୍ଦପୁର ରେଞ୍ଜ ଗୋପୀନାଥପୁର ଅଞ୍ଚଳର କୁଅଁର ମାଝୀ ହାତୀ ଘଉଡ଼ାଇବା ସମୟରେ ଆକ୍ରମଣର ଶିକାର ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ହାତୀ ଆକ୍ରମଣରେ କୁଅଁରଙ୍କ ଗୋଡ, ଛାତି ଓ ମୁଣ୍ଡରେ ଗଭୀର ଆଘାତ ଲାଗିଛି । ପରେ ଅବସ୍ଥା ଗୁରୁତର ହେବାରୁ ଡାକ୍ତର ତାଙ୍କୁ କଟକ ସ୍ଥାନାନ୍ତରିତ କରିଛନ୍ତି।