ବଡବାପାକୁ ପଥରରେ ଛେଚି ହତ୍ୟା କଲା ପୁତୁରା

ସମ୍ପର୍କୀୟ ବଡବାପାର ହତ୍ୟା କଲା ମଦୁଆ ପୁତୁରା । ଅଭିଯୁକ୍ତକୁ ଗିରଫ କଲା କପ୍ତିପଦା ପୋଲିସ ।

ମୟୂରଭଞ୍ଜ: ଜିଲ୍ଲା କପ୍ତିପଦାର ଥାନା ଅଞ୍ଚଳର ନଛିପୁର ଗାଁରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ପୁତୁରାର ପଥରମାଡରେ ସମ୍ପର୍କୀୟ ବଡବାପାଙ୍କ ମୃତ୍ୟୁ ଘଟିଛି । ନିଶାସକ୍ତ ବିଶିକେସନ ମାଣିକ ସମ୍ପର୍କୀୟ ବଡବାପାକୁ ଅତି ନୃଶଂସ ଭାବେ ପଥରରେ ଛେଚି ଛେଚି ମାରି ଦେଇଛି ।

ବଡବାପା ସୁରସେନ ଦାସଙ୍କ ହତ୍ୟା ଅଭିଯୋଗରେ ଏବେ କପ୍ତିପଦା ପୋଲିସ ଅଭିଯୁକ୍ତକୁ ଗିରଫ କରିଛି । ଏହାସହ ହତ୍ୟା ଆଗାମୀ ତଦନ୍ତ ଆରମ୍ଭ କରିଛି ପୋଲିସ । ଏହି ତଦନ୍ତ ପରେ ହତ୍ୟାର ବାସ୍ତବ କାରଣ ପଦାକୁ ଆସିବ ବୋଲି ଆଶା କରିଛନ୍ତି ପରିବାର ସଦସ୍ୟ ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ