ବାରିପଦା: ନିଶାସକ୍ତ ଅବସ୍ଥାରେ କର୍ତ୍ତବ୍ୟରତ ପୋଲିସର ଉନ୍ମତ କାଣ୍ଡ । ଏଭଳି ଘଟଣା ଦେଖିବାକୁ ମିଲିଛି ମୟୁରଭଞ୍ଜ ଜିଲ୍ଲା ବଡ଼ସାହି ଥାନା ହିଙ୍ଗୁଳା ମେଳାରେ । ବଡ଼ସାହି ଥାନା ସୁହାଗପୁରା ଠାରେ ଗତ ମଙ୍ଗଳବାର ମା ହିଙ୍ଗୁଳାଙ୍କ ବଡ଼ପୂଜାରେ ଲକ୍ଷାଧିକ ଭକ୍ତଙ୍କ ସମାଗମ ହୋଇଥିଲା । ତେବେ ମେଳାରେ ଶାନ୍ତି ଶୃଙ୍ଖଳା ବଜାୟ ରଖିବା ପାଇଁ ପ୍ଲାଟୁନ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଥିଲେ ।
ଭାଇରାଲ ହେଲା ନିଶାସକ୍ତ ପୋଲିସ କନେଷ୍ଟବଳଙ୍କ ଭିଡ଼ିଓ
ତେବେ ଖୋଦ ପୋଲିସ ଏଠାରେ ବିଶୃଙ୍ଖଳିତ ହେବା ସହ ଲୋକଙ୍କୁ ସୁରକ୍ଷା ଦେବା ବଦଳରେ କନେଷ୍ଟବଳ ଜଣଙ୍କ ନିଶାସକ୍ତ ଅବସ୍ଥାରେ ଭକ୍ତମାନଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିବା ସହ ନିଜ ସାର୍ଟ ଖୋଲି ହିରୋଗିରି କରୁଥିବା ଦେଖିବାକୁ ମିଳିଛି। ମେଳା ସରିବାର ତିନି ଦିନ ପରେ ଏ ଭଳି ଭିଡିଓ ସୋସିଆଲ ମିଡିଆରେ ଭାଇରଲ ହୋଇଛି।