ବାରିପଦା: ବହୁଚର୍ଚ୍ଚିତ ମୟୁରଭଞ୍ଜ ଜିଲ୍ଲା ବେତନଟୀର ପୂର୍ବତନ ତହସିଲଦାର ଅନୀଷା ଦାସ ଓ ମୋରମ ମାଫିଆ ଲିଙ୍କ ଘଟଣାରେ ବୈଶିଙ୍ଗା ଥାନାରେ ଅଭିଯୋଗ ପରେ 3 ଜଣଙ୍କୁ ଗିରଫ କରାଯାଇଛି । ତେବେ ଅନୀଷାଙ୍କୁ ରାତି ଅଧିଆ କଳାହାଣ୍ଡି ଉପଜିଲ୍ଲାପାଳ ଭାବେ ବଦଳି ଓ ପରେ ରାଜ୍ୟ ସରକାର ନିଲମ୍ବିତ କରିଛନ୍ତି।
ମୋରମ ମାଫିଆ ଘଟଣା
ମୟୂରଭଞ୍ଜ ଜିଲ୍ଲା ବିଜେପି ପକ୍ଷରୁ ପୂର୍ବତନ ତହସିଲଦାରକୁ ଗିରଫ ଦାବିରେ ମୟୂରଭଞ୍ଜ ଜିଲ୍ଲା ବିଜେପି ବିଧାୟକ ଓ ସାଂସଦ ମାନେ ବୈଶିଙ୍ଗା ଥାନା ସମ୍ମୁଖରେ 3 ଦିନ ଧରି ଧାରଣାରେ ବସିଥିଲେ । ଘଟଣାର ଅଧିକ ତଦନ୍ତ ପାଇଁ କ୍ରାଇମବ୍ରାଞ୍ଚ ବିଭାଗର 3 ଜଣିଆ ଟିମ ବାରିପଦା ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟରେ ପହଞ୍ଚିବା ସହ ତଦନ୍ତ ଆରମ୍ଭ କରିଛନ୍ତି ।