ବାରିପଦା: ମୟୂରଭଞ୍ଜ ଜିଲ୍ଲାରୁ ଆଜି ପୁଣି ୧୩୭ ଜଣ କୋରୋନା ପଜିଟିଭ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ଟ୍ବିଟ କରି ସୂଚନା ଦିଆଯାଇଛି । ଯାହାଫଳରେ ଜିଲ୍ଲାରେ ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା ୨୪୧୪ରେ ପହଞ୍ଚିଛି । ମୟୂରଭଞ୍ଜ ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା ବଢୁଥିବାବେଳେ ଆଜି ଚିହ୍ନଟ ୧୩୭ ଜଣଙ୍କ ମଧ୍ୟରୁ ୬ଜଣ ହୋମ କ୍ୟାରେଣ୍ଟାଇନ ଓ ୧୩୧ ଜଣ ସ୍ଥାନୀୟ ଅଞ୍ଚଳରୁ ଚିହ୍ନଟ ହୋଇଥିବା ଜଣାପଡିଛି।
ଆଜି ହୋମ କ୍ୟାରେଣ୍ଟାଇନରୁ ଚିହ୍ନଟ ୬ ଜଣଙ୍କ ମଧ୍ୟରୁ କର୍ଣ୍ଣାଟକରୁ ଜଣେ, ତାମିଲନାଡୁରୁ ଜଣେ ଏବଂ ପଶ୍ଚିମବଙ୍ଗରୁ ଚାରିଜଣ ଫେରିଥିବା ଜଣାପଡ଼ିଛି । ସ୍ଥାନୀୟ ଅଞ୍ଚଳରୁ ଚିହ୍ନଟ ୧୩୧ ଜଣଙ୍କ ମଧ୍ୟରୁ କୁସୁମୀ, ବିଶୋଇ, କୁଳିଅଣା, ମରୋଡା, ସରସକଣା, ଶୁଳିଆପଦା ବ୍ଲକରୁ ଜଣେ ଲେଖାଏଁ, ରରୁଆଁ ବ୍ଲକରୁ ଦୁଇଜଣ, ଶ୍ୟାମଖୁଣ୍ଟା ବ୍ଲକ ଓ ଉଦଳା ଏନଏସିରୁ ତିନି ଜଣ ଲେଖାଏଁ, ବାଙ୍ଗିରିପୋଷି ଓ ରାସଗୋବିନ୍ଦପୁର ବ୍ଲକରୁ ଚାରିଜଣ ଲେଖାଏଁ, ବାରିପଦା, ଖୁଣ୍ଟା ଓ ଜମଦା ବ୍ଲକରୁ ପାଞ୍ଚ ଜଣ ଲେଖାଏଁ, ବିଜାତଳା, ଜି ବି ନଗର ଓ ତିରିଂ ବ୍ଲକରୁ ଛଅ ଜଣ ଲେଖାଏଁ, ବଦଲଦା, ବାରିପଦା ସହରରୁ ସାତ ଜଣ, ବେତନଟୀ ବ୍ଲକରୁ ଆଠ ଜଣ, କରଞ୍ଜିଆ ଓ କପ୍ତିପଦା ବ୍ଲକରୁ ନଅ, ଯଶୀପୁରରୁ ଦଶ ଜଣ, ଉଦଳା ବ୍ଲକରୁ ବାର ଜଣ ଲେଖାଏଁ, ବଡ଼ସାହି ବ୍ଲକରୁ ୨୨ ଜଣ ଏବଂ ଅନ୍ୟ ଚାରି ଜଣ ବାହାର ରାଜ୍ୟର କିନ୍ତୁ ମୟୂରଭଞ୍ଜ ଜିଲ୍ଲାରେ ରହୁଥିବା ଜଣାପଡ଼ିଛି।