ବାରିପଦା: କେବଳ ଧର୍ମେନ୍ଦ୍ର ନୁହନ୍ତି, ଗୋଟିଏ ଦିନରେ ମୟୂରଭଞ୍ଜରେ ମଧ୍ୟ ରୋଡ ଶୋ' କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି(ବୁଧବାର) ଅପରାହ୍ଣରେ ଜିଲ୍ଲାର ବୈଶିଙ୍ଗାଠାରୁ ନିଜ ରୋଡ ଶୋ' ଆରମ୍ଭ କରିଥିଲେ ମୁଖ୍ୟମନ୍ତ୍ରୀ । ବୈଶିଙ୍ଗା ଠାରୁ ମାଣିତ୍ରୀ, ବଡସାହି, ଡୁକୁରା, ସାନକେରକୋ ହୋଇ ବାରିପଦାସ୍ଥିତ ବିର୍ସାମୁଣ୍ଡା ଛକରେ ପହଞ୍ଚିଥିଲା ରୋଡ ଶୋ' ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ସେଠାରେ ତାଙ୍କୁ ଦଳୀୟ କର୍ମୀମାନେ ତାଙ୍କୁ ସ୍ବାଗତ କରିଥିଲେ । ସେଠାରୁ ରୋଡ ଶୋ'ରେ ବାରିପଦା ସହର ପରିକ୍ରମା କରିଛନ୍ତି ନବୀନ । ରାଜ୍ୟ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ସମ୍ପର୍କରେ ଅବଗତ କରିବା ସହିତ କେନ୍ଦ୍ର ସରକାରର ଅପାରଗତା ସମ୍ପର୍କରେ ଜନସାଧାରଣଙ୍କୁ କହିଛନ୍ତି ମୁଖ୍ୟମନ୍ତ୍ରୀ ।