ବାରିପଦା: କୋରୋନା କଟକଣା ପାଇଁ ଲକଡାଉନରେ ଦେଶ । ଭକ୍ତଙ୍କ ପାଇଁ ମହାପ୍ରଭୁ ଜଗନ୍ନାଥଙ୍କ ମନ୍ଦିରରେ ବି ପଡିଛି ଲକ । କୋରୋନା କଟକଣା ପାଇଁ ଶ୍ରୀ ଶ୍ରୀ ମଦନ ମୋହନଙ୍କ ଚନ୍ଦନଯାତ୍ରା ଜଗନ୍ନାଥ ମନ୍ଦିର ପରିସରରେ ସ୍ୱତନ୍ତ୍ର ପୋଖରୀ ନିର୍ମାଣ କରି ଅନୁଷ୍ଠିତ ହୋଇଛି । ମୟୂରଭଞ୍ଜ ଜିଲ୍ଲା ମୋରଡ଼ା ବ୍ଲକ ଚିତ୍ରଡା ଗାଁରେ ଥିବା ମହାପ୍ରଭୁ ଜଗନ୍ନାଥ ମନ୍ଦିରରେ ଏଭଳି ନିଆରା ଢଙ୍ଗରେ ପାଳିତ ହୋଇଛି ଚନ୍ଦନଯାତ୍ରା ।
ନିଆରା ଢଙ୍ଗରେ ପାଳିତ ହେଲା ମହାପ୍ରଭୁଙ୍କ ଚନ୍ଦନଯାତ୍ରା
କୋରୋନା କଟକଣାକୁ ଆଖି ଆଗରେ ରଖି ସରକାରଙ୍କ ଲକଡାଉନ ନିୟମକୁ ପାଳନ କରାଯାଇ ଅନୁଷ୍ଠିତ ହୋଇଛି ଚନ୍ଦନ ଯାତ୍ରା । ପରମ୍ପରା ଅନୁଯାୟୀ ସକାଳରୁ ସନ୍ଧ୍ୟା ପର୍ଯ୍ୟନ୍ତ ମହାପ୍ରଭୁଙ୍କ ନୀତିକାନ୍ତି ଅନୁଷ୍ଠିତ ହେବା ପରେ ମନ୍ଦିର ପରିସରରେ ନୂତନ ଭାବେ ନିର୍ମାଣ ହୋଇଥିବା ପୋଖରୀରେ ମଦନମୋହନଙ୍କ ଚାପଖେଳ ଅନୁଷ୍ଠିତ ହୋଇଛି । ଅନ୍ୟପକ୍ଷରେ ସାରା ବିଶ୍ଵରେ କୋରୋନା ମୁକ୍ତ ପାଇଁ ମହାପ୍ରଭୁଙ୍କ ନିକଟରେ ପ୍ରାର୍ଥନା କରିଛନ୍ତି ମନ୍ଦିର କମିଟିର ସଦସ୍ୟ ।