ବାରିପଦା: ପାରିବାରିକ କଳହରୁ ଭେଣୋଇର ସାନ ଭାଇକୁ ଭୁଜାଲିରେ ଆକ୍ରମଣ କରି ଲହୁଲୁହାଣ କଲା ସମ୍ପର୍କୀୟ ଶାଳକ । ଏଭଳି ଅଭାବନୀୟ ଘଟଣା ଘଟିଛି ବାରିପଦା ଟାଉନ ଥାନା ଅନ୍ତର୍ଗତ ୱାର୍ଡ ନଂ ୮ ମାଳିସାହିରେ । ଅଭିଯୁକ୍ତ ଶାଳକ ଜଣଙ୍କ ହେଲେ ବାରିପଦା ସହର ବାଘରାରୋଡ ଅଞ୍ଚଳର ଚିନ୍ମୟ ମହାନ୍ତି ।
ପାରିବାରିକ କଳହରୁ ଭେଣୋଇଙ୍କ ଭାଇକୁ ଭୁଜାଲିରେ ଆକ୍ରମଣ କଲା ଶଳା
ଚିନ୍ମୟ ନିଜ ଭିଣୋଇଙ୍କ ସାନ ଭାଇ ଅରୁପ ମହାପାତ୍ରଙ୍କୁ ଭୁଜାଲିରେ ଆକ୍ରମଣ କରିବା ଫଳରେ ଗୁରୁତର ଅବସ୍ଥାରେ ତାଙ୍କୁ ବାରିପଦା ପିଆରଏମ୍ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏନେଇ ବାରିପଦା ଟାଉନ ଥାନାରେ ମାମଲା ରୁଜ୍ଜୁ ହୋଇ ଅଧିକ ତଦନ୍ତ ଆରମ୍ଭ ହୋଇଥିବା ସୂଚନା ମିଳିଛି । ପୂର୍ବରୁ ଜମି ବାଡ଼ି ମାମଲାକୁ ନେଇ ବଡ ଭାଇ ଓ ସାନ ଭାଇ ମଧ୍ୟରେ କଳହ ଲାଗି ରହିଥିବା ବେଳେ ଏନେଇ ଗତକାଲି(ଶନିବାର) ବଡଭାଇ ନିଜ ଶଳାକୁ ଘରକୁ ଡାକିଥିଲେ ।