ବାରିପଦା: ଝାରପୋଖରିଆ ଥାନା ଯୋକା-କପାଡ଼ିହା ରାସ୍ତାମଝିରେ ତାଣ୍ଟି କାଟି ହତ୍ୟା ଘଟଣାରେ ଦୁଇ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।
ଗତ ଅକ୍ଟୋବର 9 ତାରିଖ ଦିନ ରକ୍ତାକ୍ତ ମୃତ ଦେହକୁ ଉଦ୍ଧାର କରିଥିଲା ପୋଲିସ । ମୃତକ ଜଣଙ୍କ ଝାରପୋଖରିଆ ଥାନା ଜାଟିଆଷୋଳ ଗ୍ରାମର ସୁନାରାମ ମାର୍ଣ୍ଡି । ସୁନାରାମକୁ ପୁର୍ବଶତ୍ରୁତାକୁ ନେଇ ହତ୍ୟାକରିଥିବା ପ୍ରକାଶ କରିଛନ୍ତି ହତ୍ୟାକାରୀ ।
ସୂଚନା ଅନୁସାରେ, ଦୀର୍ଘ ଦିନ ହେବ ଚାଷ ଜମିରେ ମାଛ ଧରାକୁ କେନ୍ଦ୍ର କରି ଗଣ୍ଡଗୋଳ ଲାଗି ରହିଥିଲା । ହତ୍ୟାକାରୀ ରାବଣପୋଡ଼ି ଦିନ ସୁନାରାମକୁ ଅତ୍ୟଧିକ ମଦ୍ୟପାନ କରାଇ ଭୁଜାଲି ସାହାଯ୍ୟରେ ତଣ୍ଟି କାଟି ରାସ୍ତାରେ ଫିଙ୍ଗି ଦେଇଥିଲେ ।
ଏନେଇ ଝାରପୋଖରିଆ ଥାନା ପୋଲିସ ତଦନ୍ତ କରି ଦୁଇଜଣ ଅଭୁଯୁକ୍ତକୁ ଗିରଫ କରିଛି । ଗିରଫ ଦୁଇ ଜଣ ହେଲେ ଲାଲମୋହନ ବେହେରା ଓ ବାଘେଲା ସୋରେନ । ଗିରଫ ପରେ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ପୋଲିସ । ଏହାସହ ହତ୍ୟାକାରୀଙ୍କ ନିକଟରୁ ହତ୍ୟାରେ ବ୍ୟବହୃତ ଭୁଜାଲି ଓ ଖଣ୍ଡାକୁ ମଧ୍ୟ ଜବତ କରିଛି ପୋଲିସ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ