ମୟୁରଭଞ୍ଜ : ଟିକେଟ ବଣ୍ଟନକୁ ନେଇ ଆରମ୍ଭ ହୋଇଯାଇଛି କନ୍ଦୋଳ । ବିଜେପି ନିଜର 121 ଟି ବିଧାନସଭା ଆସନ ପାଇଁ ଟିକେଟ ଘୋଷଣା କରିବା ପରେ ଅନେକ ଆଶାୟୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ବିଜେପିର ଟିକେଟ ବଣ୍ଟନ ପରେ ରାଜ୍ୟସାରା ଦେଖା ଦେଇଛି ବିଦ୍ରୋହ । ଏହି ପରିପେକ୍ଷୀରେ ମୟୁରଭଞ୍ଜ ଜିଲ୍ଲାରେ ମଧ୍ୟ ଦେଖିବାକୁ ମିଳିଛି ବିରୋଧ ପ୍ରଦର୍ଶନ ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ମୟୂରଭଞ୍ଜ ଜିଲ୍ଲା ବାଙ୍ଗରିପୋଷି ନିର୍ବାଚନ ମଣ୍ଡଳୀରେ ସୁଗଦା ମୁର୍ମୁଙ୍କୁ ଟିକେଟ ଦେଇଛି ବିଜେପି । ଯାହାକୁ ବିରୋଧ କରିଛନ୍ତି ବିଜେପି କର୍ମୀ । ତେବେ ଦଳର ଏହି ନିଷ୍ପତ୍ତିକୁ ପୁନର୍ବାର ବିଚାର କରାଯାଉ ବୋଲି କର୍ମୀମାନେ କହିଛନ୍ତି । ଏନେଇ ମୟୂରଭଞ୍ଜ ଜିଲ୍ଲାର ବିଜେପି ସଭାପତିଙ୍କ ଜରିଆରେ ରାଜ୍ୟ ସଭାପତି ବସନ୍ତ ପଣ୍ଡାଙ୍କୁ ନିବେଦନ କରିଛନ୍ତି ।