ବାରିପଦା: ଲଘୁଚାପ ଜନିତ ପ୍ରବଳ ବର୍ଷାରେ ମୟୂରଭଞ୍ଜ ଜିଲ୍ଲାର ପ୍ରମୁଖ ନଦୀ ଗୁଡିକରେ ଜଳସ୍ତର ବୃଦ୍ଧି ହେବା ସହ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଏହାର ସ୍ଥିତି ପରଖିବା ପାଇଁ ମୟୂରଭଞ୍ଜରେ ପହଞ୍ଚିଲେ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ବନ୍ୟାରେ କ୍ଷତିଗ୍ରସ୍ତ ଲୋକଙ୍କ ସହ ସାକ୍ଷାତ ପରେ ସ୍ଥିତିନେଇ ଜିଲ୍ଲା ପ୍ରଶାସନ ସହ କଲେ ଆଲୋଚନା ।
ଅଚାନକ ମୟୂରଭଞ୍ଜ ଜିଲ୍ଲା ଗସ୍ତ କରି ଲଘୁଚାପ ଜନିତ ବର୍ଷାରେ ବିଶେଷ ଭାବେ କ୍ଷୟକ୍ଷତି ହୋଇଥିବା ଅଞ୍ଚଳ ପରିଦର୍ଶନ କରିଛନ୍ତି ବିଜୁ ଜନତା ଦଳର ସାଙ୍ଗଠନିକ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ । ଜଳମଗ୍ନ ଅବସ୍ଥାରେ ଥିବା ପୀଡିତ ଗରିବ ଲୋକଙ୍କ ନିକଟରେ ପହଞ୍ଚି ସେମାନଙ୍କର ଦୁଃଖ ବୁଝିଛନ୍ତି । ଏହା ସହିତ ବାରିପଦାର ବୁଢ଼ାବଳଙ୍ଗ ନଦୀରେ ବନ୍ୟା ଦ୍ବାରା ପ୍ରଭାବିତ ହୋଇଥିବା ଲୋକଙ୍କ ସମସ୍ୟା ପଚାରି ବୁଝିଛନ୍ତି । ଏଭଳି ଦୁର୍ବିପାକ ସମୟରେ ବନ୍ୟାଞ୍ଚଳକୁ ଯାଇ ପ୍ରଭାବିତ ଲୋକଙ୍କର ସୁଖଦୁଃଖରେ ସାମିଲ ହେବା ପାଇଁ ନିଜ ଦଳର କର୍ମକର୍ତ୍ତାଙ୍କୁ ସେ ଆହ୍ବାନ କରିଛନ୍ତି । ଜିଲ୍ଲା ପ୍ରଶାସନ ସହିତ ବନ୍ୟାସ୍ଥିତି ନେଇ ଆଲୋଚନା ମଧ୍ୟ କରିଛନ୍ତି ।
ଇଟିଭି ଭାରତ, ମୟୂରଭଞ୍ଜ