ମୟୁରଭଞ୍ଜ ବ୍ଲକ ଉପନିର୍ବାଚନରେ ବିଜେଡି ପ୍ରାର୍ଥୀ ବିଜୟୀ

ମୟୁରଭଞ୍ଜ ଜିଲ୍ଲା ଗୋପବନ୍ଧୁ ନଗର ବ୍ଲକରେ ଉପନିର୍ବାଚନ ଅନୁଷ୍ଠିତ । ନିର୍ଦ୍ବନ୍ଦରେ ନିର୍ବାଚିତ ହେଲେ ବିଜେଡି ସମର୍ଥିତ ପ୍ରାର୍ଥୀ ।

ବାରିପଦା: ସାଧାରଣ ନିର୍ବାଚନ ପରେ ମୟୁରଭଞ୍ଜ ଜିଲ୍ଲାର ରାଜନୀତିରେ ନିରବତା ଦେଖାଦେଇଥିଲା । କିନ୍ତୁ ବୁଧବାର ମୟୁରଭଞ୍ଜ ଜିଲ୍ଲା ଗୋପବନ୍ଧୁ ନଗର ବ୍ଲକ ଅଧ୍ୟକ୍ଷ ଓ ଜାମଦା ବ୍ଲକ ଉପାଦକ୍ଷ ପଦବୀ ନିମନ୍ତେ ଉପନିର୍ବାଚନ ଅନୁଷ୍ଠିତ ହେବାପରେ ପୁଣିଥରେ ଚଳଚଞ୍ଚଳ ହୋଇଥିଲା ଜିଲ୍ଲା ରାଜନୀତି । ଉଭୟ ପଦବୀରେ ଥିବା ପ୍ରତିନିଧି ମାନଙ୍କର ଅକାଳ ବିୟୋଗ ପରେ ଏହି ଦୁଇ ପଦବୀ ଦୀର୍ଘ ଦିନ ହେବ ଖାଲି ପଡିଥିଲା। ତେବେ ଉଭୟ ପଦବୀରେ ବିଜେଡି ସମର୍ଥିତ ପ୍ରାର୍ଥୀଙ୍କ ବିଜୟ ହୋଇଛି।

ଗୋପବନ୍ଧୁ ନଗର ବ୍ଲକରେ ବ୍ଲକ ଅଧ୍ୟକ୍ଷ ପଦ ପାଇଁ ସୁକେଶ୍ବର ମଢେଇ ନିର୍ଦ୍ବନ୍ଦରେ ନିର୍ବାଚିତ ହୋଇଛନ୍ତି। ବିଜେଡି ଜିଲ୍ଲା ସଭାପତି ଦେବାଶିଷ ମହାନ୍ତି, ଓଡିଶା ସରକାରଙ୍କ ରାଜସ୍ଵ ମନ୍ତ୍ରୀ ସୁଦାମ ମାରାଣ୍ଡି, ମୋରଡ଼ା ବିଧାୟକ ରାଜକିଶୋର ଦାସ ବିଜୟ ଉତ୍ସବରେ ସାମିଲ ହୋଇଥିଲେ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ