ବାରିପଦା: ରେଳ ବଜେଟରେ ଅବହେଳା ନେଇ ଭଞ୍ଜସେନାର ପ୍ରତିବାଦ। ଚଳିତ ବର୍ଷ ରେଳ ବଜେଟରେ ମୟୂରଭଞ୍ଜ ପ୍ରତି ଅବହେଳା କରିଥିବା ନେଇ ଅଣ ରାଜନୈତିକ ସଙ୍ଗଠନ ଭଞ୍ଜସେନା ରାଜରାସ୍ତାକୁ ଓହ୍ଲାଇଥିବା ଦେଖିବାକୁ ମିଳିଛି । ଏହି ପ୍ରତିବାଦରେ ଜେନେରାଲ ମ୍ୟାନେଜରଙ୍କ ଉଦ୍ଦେଶ୍ୟରେ ଏକ ଦାବିପତ୍ର ମଧ୍ୟ ପ୍ରଦାନ କରାଯାଇଛି ।
ରେଳ ବଜେଟରେ ମୟୂରଭଞ୍ଜକୁ ଅବହେଳା ନେଇ ଭଞ୍ଜସେନାର ବିକ୍ଷୋଭ ପ୍ରଦର୍ଶନ
ମୟୂରଭଞ୍ଜ ଜିଲ୍ଲା ପ୍ରତି ଅବହେଳା ପ୍ରତିବାଦ ନେଇ ଶତାଧିକ କର୍ମୀ ଏକ ବିଶାଳ ପ୍ରତିବାଦ ଶୋଭାରେ ସାମିଲ ହୋଇଥିଲେ। ରାଇରଙ୍ଗପୁର ମୁର୍ମୁ ଛକରୁ ରାଇରଙ୍ଗପୁର ରେଳଷ୍ଟେସନ ପର୍ଯ୍ୟନ୍ତ ବିକ୍ଷୋଭ ପ୍ରଦର୍ଶନ କରିଥିବା ଦେଖିବାକୁ ମିଳିଥିଲା । ଅନ୍ୟପଟେ ଭଞ୍ଜସେନା ଜିଲ୍ଲା ସଭାପତି ପିଣ୍ଟୁ ମାଇତିଙ୍କ ନେତୃତ୍ବରେ ରାସଗୋବିନ୍ଦପୁର ବ୍ଲକ ନାରଙ୍ଗାବାଜଠାରେ ହାୱଡା-ଚେନ୍ନାଇ ମୁଖ୍ୟ ରେଳପଥ ଏବଂ ଟାଟା-ବାଦାମପାହାଡ଼ ରେଳପଥରେ ମଧ୍ୟ ଭଞ୍ଜସେନା ପକ୍ଷରୁ ହରତାଳ କରାଯାଇଛି ।