ବାରିପଦା: କୋରୋନା ମହାମାରୀକୁ ଦୃଷ୍ଟିରେ ରଖି ରାଜ୍ୟ ସରକାର କେବଳ ପୁରୀରେ ରଥଯାତ୍ରା କରିବାକୁ ଅନୁମତି ଦେଇଛନ୍ତି । ରାଜ୍ୟରେ ଅନ୍ୟ କୌଣସି ଜଗନ୍ନାଥ ମନ୍ଦିରରେ ରଥଯାତ୍ରାକୁ ବାରଣ କରିବା ପରେ ଦ୍ବିତୀୟ ଶ୍ରୀକ୍ଷେତ୍ରରେ ରଥଯାତ୍ରା କରିବା ପାଇଁ ବାରିପଦାବାସୀ ଦୀପ ଜାଳି ଦାବି କରିଛନ୍ତି ।
ଦ୍ବିତୀୟ ଶ୍ରୀକ୍ଷେତ୍ରରେ ରଥଯାତ୍ରା ପାଇଁ ଦାବିରେ ବାରିପଦାବାସୀଙ୍କ ଦୀପଦାନ
ରାଜ୍ୟରେ କୋରୋନା ସଂକ୍ରମଣ କ୍ରମାଗତ ହ୍ରାସ ପାଇବା ପରେ ମଧ୍ୟ ସରକାର ଜନଗହଳି ପାଇଁ ବାରଣ କରିଛନ୍ତି । ରଥଯାତ୍ରାରେ ହଜାର ହଜାର ସଂଖ୍ୟକ ଶ୍ରଦ୍ଧାଳୁଙ୍କ ଭିଡ ଜମୁଥିବାରୁ ଚଳିତ ବର୍ଷ ବିନା ଭକ୍ତରେ ରଥଯାତ୍ରା କରିବା ପାଇଁ ସରକାର ନିଷ୍ପତ୍ତି ନେଇଛନ୍ତି । ଏହାସହିତ କେବଳ ପୁରୀ ବ୍ୟତୀତ ଅନ୍ୟ ମନ୍ଦିରରେ ରଥଯାତ୍ରା ନ କରିବା ପାଇଁ ଗୁରୁବାର ସ୍ବତନ୍ତ୍ର ରିଲିଫ କମିଶନର ପ୍ରଦୀପ ଜେନା ସାମ୍ବାଦିକ ସମ୍ମିଳନୀରେ ସୂଚନା ଦେଇଥିଲେ ।