ସଇତାନ ସ୍ବାମୀ; ମଦ ନିଶାରେ ପତ୍ନୀ ଓ ଝିଅକୁ ହତ୍ୟା

ସଇତାନ ସ୍ବାମୀର ନାରକୀୟ କାଣ୍ଡ । ସ୍ତ୍ରୀ ଓ ଝିଅକୁ ହତ୍ୟା କରି ଘର ପାଖ ବାଉଁଶ ବୁଦା ମୂଳରେ ଶୁଆଇ ଦେଇଥିଲା ହତ୍ୟାକାରୀ ସ୍ବାମୀ ।

ବାରିପଦା: ସଇତାନ ସ୍ବାମୀର ନାରକୀୟ କାଣ୍ଡ । ସ୍ତ୍ରୀ ଓ ଝିଅକୁ ହତ୍ୟା କରି ଘର ପାଖ ବାଉଁଶ ବୁଦା ମୂଳରେ ଶୁଆଇ ଦେଇଥିଲା ହତ୍ୟାକାରୀ ସ୍ବାମୀ । ଘଟଣାଟି ସ୍ଥାନୀୟ ଝାରପୋଖରିଆ ଥାନା ଦକ୍ଷିଣଶୋଳ ଗ୍ରାମରେ ଘଟିଛି ।

ସୂଚନା ଅନୁଯାୟୀ ଅଭିଯୁକ୍ତ ସ୍ବାମୀ ଜୟରାମ ମୁର୍ମୁ ନିଶାସକ୍ତ ଅବସ୍ଥାରେ ଗୁରୁବାର ରାତିରେ ଘରକୁ ଆସିଥିଲେ । କୌଣସି କାରଣରୁ ଉଭୟ ସ୍ବାମୀ-ସ୍ତ୍ରୀଙ୍କ ମଧ୍ୟରେ ବଚସା ହୋଇଥିଲା । ଯେଉଁଥିରେ ଉତ୍ତ୍ୟକ୍ତ ହୋଇ ସ୍ତ୍ରୀ ସୋମିଆ ମୁର୍ମୁ ଓ 3 ବର୍ଷର ଝିଅ ସୁକୁମଣି ମୁର୍ମୁଙ୍କୁ ହତ୍ୟା କରିଥିଲା ଜୟରାମ ।

କେବଳ ସେତିକି ନୁହେଁ ହତ୍ୟା କରିବା ପରେ ଉଭୟ ସ୍ତ୍ରୀ ଓ ଝିଅର ମୃତଦେହକୁ ନେଇ ଘର ପାଖରେ ଥିବା ବାଉଁଶ ବୁଦାରେ ଶୁଆଇ ଦେଇଥିଲା ଜୟରାମ । ଖବର ପାଇ ଝାରପୋଖରିଆ ପୋଲିସ ପହଞ୍ଚି ତଦନ୍ତ କରିବା ସହ ଅଭିଯୁକ୍ତକୁ ଗିରଫ କରିଛି । ତେଣେ ତଦନ୍ତ ପରେ ହତ୍ୟାକାଣ୍ଡର ପ୍ରକୃତ କାରଣ ଜଣା ପଡିବ ବୋଲି ପୋସି ସ୍ପଷ୍ଟୀକରଣ ଦେଇଛନ୍ତି ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ