ବାରିପଦା: ଉଦ୍ଘାଟିତ ହେଲା ଅଗ୍ନିଶମ ବିଭାଗର ନୂଆ ବିଲ୍ଡିଂ । ନୂତନ କାର୍ଯ୍ୟାଳୟ ଉଦଘାଟନ କରିଛନ୍ତି ଅଗ୍ନିଶମ ବାହିନୀର ଡିଜି ଡ଼ଃ ସତ୍ୟଜିତ ମହାନ୍ତି। ସ୍ଥାନୀୟ ବେଲଗଡିଆ ଅଞ୍ଚଳରେ ୧ କୋଟି ୪୫ ଲକ୍ଷ ୧୬ ହଜାର ଟଙ୍କାର ବ୍ୟୟ ଅଟକଳରେ ଅଗ୍ନିଶମ ବାହିନୀର ଏହି ନୂତନ ଗୃହଟି ପ୍ରସ୍ତୁତ ହୋଇଛି।
ବାରିପଦାରେ ଉଦ୍ଘାଟିତ ହେଲା ନୂଆ ଅଗ୍ନିଶମ କେନ୍ଦ୍ର
ଏଥିରେ ନୂତନ କାର୍ଯ୍ୟାଳୟ ଗୃହ ସହିତ ଷ୍ଟାଫ ମାନଙ୍କ ରହିବା ପାଇଁ କ୍ୱାଟରର ବ୍ୟବସ୍ଥା ମଧ୍ୟ ରହିଛି । ତେବେ ବାରିପଦାରେ ଅଗ୍ନିଶମ ବାହିନୀର ପ୍ରସ୍ତୁତ ଏହି ନୂତନ କାର୍ଯ୍ୟାଳୟ ଗୃହଟି ରାଜ୍ୟରେ ସବୁଠାରୁ ବଡ଼ ଅଗ୍ନିଶମ ବାହିନୀର କାର୍ଯ୍ୟାଳୟ ବୋଲି ଜିଲ୍ଲା ଅଗ୍ନିଶମ ବାହିନୀ ପକ୍ଷରୁ କୁହାଯାଇଛି।