ବାରିପଦା:ରାଜ୍ୟରେ ହୁ ହୁ ହୋଇ ବଢୁଛି କୋରୋନା ପଜିଟିଭ । ଦୈନିକ 12ହଜାରରୁ ଉର୍ଦ୍ଧ୍ବ ସଂକ୍ରମିତ ଚିହ୍ନଟ ହେଉଛନ୍ତି । ସଂକ୍ରମଣରୁ ବାଦ ପଡିନି ମୟୂରଭଞ୍ଜ ଜିଲ୍ଲା । ଜିଲ୍ଲାରେ ଆଜି(ଶୁକ୍ରବାର) 480 ନୂଆ ପଜିଟିଭ ଚିହ୍ନଟ ହୋଇଛନ୍ତି ।
ମୟୁରଭଞ୍ଜରେ ମାଡୁଛି କୋରୋନା
କୋରୋନାର ଦ୍ବିତୀୟ ଲହର ମୟୂରଭଞ୍ଜ ଜିଲ୍ଲାକୁ କବଳିତ କରିଛି । ଦ୍ବିତୀୟ ଲହର କୋପରେ ଜିଲ୍ଲାରେ ପଜିଟିଭଙ୍କ ସଂଖ୍ୟା ବଢିବାରେ ଲାଗିଛି । ଆଜି ଚିହ୍ନଟ ହୋଇଥିବା 480ଜଣ ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୨୦୪୮୦ ରେ ପହଞ୍ଚିଛି । ଜିଲ୍ଲାରୁ ଏବେ ସୁଦ୍ଧା ମୋଟ 17958ଜଣ ସୁସ୍ଥ ହୋଇଛନ୍ତି । ଜିଲ୍ଲାରେ ବର୍ତ୍ତମାନ 2428ଟି ସକ୍ରିୟ ମାମଲା ରହିଛି ।