ରାଇରଙ୍ଗପୁର: ମୟୂରଭଞ୍ଜ ଜିଲ୍ଲାରେ ପୁଣି ଲଜ୍ଜା । ବହଳଦା ଅଞ୍ଚଳରେ ତିନି ବର୍ଷର ଶିଶୁକନ୍ୟାକୁ ଦୁଷ୍କର୍ମ ଅଭିଯୋଗ । ଅଭିଯୋଗ ପରେ ବୃଦ୍ଧ ଅଟକ ।
ସୂଚନା ଅନୁଯାୟୀ ଶିଶୁକନ୍ୟା ଟି ଗାଁ ଦାଣ୍ଡରେ ଖେଳୁଥିବା ବେଳେ ଘରକୁ ଡାକି ନେଇ ସେହି ଗାଁର ଜଣେ ବୃଦ୍ଧ ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
ପୁଣି ଏଭଳି ଏକ ଲଜ୍ଜା ଜନକ ଘଟଣା ମୟୂରଭଞ୍ଜ ଜିଲ୍ଲା ବହଳଦା ଥାନା ଅଂଚଳରେ ହୋଇଥିବା ଅଭିଯୋଗ ହୋଇଛି । ତିନି ବର୍ଷର ଶିଶୁକନ୍ୟାଟି ଗାଁ ଦାଣ୍ଡରେ ଖେଳୁଥିବା ବେଳେ ଘରକୁ ଡାକି ନେଇ ଦୁଷ୍କର୍ମ କରିଥିଲେ ସେହି ଗ୍ରାମର ଜଣେ ବୃଦ୍ଧ। ତେବେ ଶିଶୁକନ୍ୟାଟି ଚିତ୍କାର ଶୁଣି ଗାଁ ଲୋକେ ତାଙ୍କୁ ଉଦ୍ଧାର କରିଥିବା ବେଳେ ଫେରାର ହୋଇଯାଇଥିଲେ ବୃଦ୍ଧ । ପରିବାର ଲୋକଙ୍କ ଅଭିଯୋଗ ପରେ ବହଳଦା ଥାନା ପୋଲିସ ଦୁଷ୍କର୍ମକାରୀ ବୃଦ୍ଧଙ୍କୁ ଥାନାରେ ଅଟକ ରଖି ଅଧିକ ତଦନ୍ତ ଜାରି ରଖିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ