ରାଇରଙ୍ଗପୁର : ଭାରସାମ୍ୟ ହରାଇ ବାଇକ ଦୁର୍ଘଟଣା ଗ୍ରସ୍ତ । ଏହି ଦୁର୍ଘଟଣାରେ ବାଇକ ଚାଳକ ଜଣଙ୍କ ଅଳ୍ପକେ ବଞ୍ଚି ଯାଇଥିଲେ ବେଳେ ବାଇକ୍ରେ ବସିଥିବା ଅନ୍ୟ ଜଣ ଯୁବକଙ୍କ ଶୋଚନୀୟ ମୃତ୍ୟୁ ହୋଇଛି । ଅଘଟଣଟି ଘଟିଛି ମୟୂରଭଞ୍ଜ ତିରିଂ ଥାନା ଅଧିନ ମାକଡିଘାଟି ଗ୍ରାମ ନିକଟସ୍ଥ ୨୨୦ ନଂ ଜାତୀୟ ରାଜପଥରେ ।
ବାଇକ ଦୁର୍ଘଟଣାରେ ଯୁବକ ମୃତ
ତେବେ ମୃତକ ଜଣକ ହେଲେ ଝାଡଖଣ୍ଡ ରାଜ୍ୟ ରାଜନଗର ଥାନା ବାନ୍ଦୁ ଗ୍ରାମର ବୁଢାନ ହାଁସଦାଙ୍କ ପୁଅ ଉପିନ୍ ହାଁସଦା(23) । ସୂଚନା ଅନୁଯାୟୀ, ମଙ୍ଗଳବାର ରାତିରେ ଦୁଇଭାଇ ଏକ ବାଇକ ଯୋଗେ ଘରକୁ ଯାଉଥିବା ସମୟରେ ମାକଡିଘାଟି ଗ୍ରାମ ନିକଟସ୍ଥ ୨୨୦ ନଂ ଜାତୀୟ ରାଜପଥରେ କୌଣସି କାରଣରୁ ଭାରସାମ୍ୟ ହରାଇ ବାଇକରୁ କଚାଡି ହୋଇ ରାସ୍ତା ଉପରେ ପଡି ଯାଇଥିଲେ ଦୁଇ ଯୁବକ ।