ଜଙ୍ଗଲରୁ ଯୁବକଙ୍କ ମୃତଦେହ ଉଦ୍ଧାର, ଭାଲୁ ଆକ୍ରମଣ ସନ୍ଦେହ

ମାଲକାନଗିରି ଜିଲ୍ଲା ଖଇରିପୁଟ ବ୍ଲକର ଝରିଆଗୁଡା ଜଙ୍ଗଲରୁ ଯୁବକଙ୍କ ମୃତଦେହ ଉଦ୍ଧାର । ମୃତ ଯୁବକ ହେଲେ ମଙ୍ଗଳା ପୂଜାରୀ । ଯୁବକ ଜଣଙ୍କୁ ଭାଲୁ କିମ୍ବା କୌଣସି ଜଙ୍ଗଲୀ ଜନ୍ତୁ ଆକ୍ରମଣ କରିଥିବା ସନ୍ଦେହ କରାଯାଉଛି ।

ମାଲକାନଗିରି: ଜଙ୍ଗଲରୁ ଯୁବକଙ୍କ ମୃତଦେହ ଉଦ୍ଧାର । ଏଭଳି ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା ଖଇରିପୁଟ ବ୍ଲକର ଝରିଆଗୁଡା ଜଙ୍ଗଲରୁ । ମୃତ ଯୁବକ ହେଲେ ମଙ୍ଗଳା ପୂଜାରୀ । ମଙ୍ଗଳା 3ଦିନ ପୂର୍ବେ ଘରୁ ଜମିକୁ ଚାଷ ପାଇଁ ଯାଇଥିଲେ ।

ତେବେ 3ଦିନ ଧରି ସେ ଘରକୁ ଫେରି ନଥିବାବେଳେ ସୋମବାର ପରିବାର ଲୋକେ ଖୋଜାଖୋଜି କରିବାବେଳେ ଜଙ୍ଗଲ ମଧ୍ୟରୁ ତାଙ୍କ ମୃତଶରୀର ଦେଖିବାକୁ ପାଇଥିଲେ ।

ମୃତ ମଙ୍ଗଳାଙ୍କ ଶରୀରରେ ଅନେକ କ୍ଷତ ସୃଷ୍ଟି ହୋଇଛି । ପରିବାର ଲୋକଙ୍କ କହିବା ଅନୁସାରେ ତାଙ୍କୁ ଭାଲୁ କିମ୍ବା କୌଣସି ଜଙ୍ଗଲୀ ଜନ୍ତୁ ଆକ୍ରମଣ କରିବା ଯୋଗୁ ତାଙ୍କର ମୃତ୍ୟୁ ହୋଇଛି । ଘଟଣାସ୍ଥଳରେ ପୋଲିସ ଓ ବନ ବିଭାଗ ଅଧିକାରୀମାନେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଶବ ବ୍ୟବଚ୍ଛେଦ ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ