ମାଲକାନଗିରି: ଲୋକଙ୍କୁ ଉନ୍ନତମାନର ସ୍ବାସ୍ଥ୍ୟସେବା ଯୋଗାଇବାକୁ ରାଜକୋଷରୁ ହଜାର ହଜାର କୋଟି ବ୍ୟୟ କରୁଛନ୍ତି ରାଜ୍ୟ ତଥା କେନ୍ଦ୍ର ସରକାର । ମାଳ ମାଳ ଯୋଜନା ହେଉଛି ରାଜ୍ୟରେ । ହେଲେ କେଉଁଠି ଡାକ୍ତରଖାନାରେ ଚିକିତ୍ସା ଅଭାବରୁ ରୋଗୀ ମୃତ୍ୟୁ ଘଟୁଛି ତ କେଉଁଠି ଆମ୍ବୁଲାନ୍ସଟିଏ ନ ପହଞ୍ଚିବାରୁ ଖଟିଆରେ ବୁହା ହେଉଛି ରୋଗୀ । ବିଶେଷକରି ଆଦିବାସୀ ଅଧ୍ୟୁଷିତ ଉପାନ୍ତ ଅଞ୍ଚଳରେ ବିକଳାଙ୍କ ହୋଇଛି ସ୍ବାସ୍ଥ୍ୟସେବା ।
ବଣ୍ଡାଘାଟିରେ ବିକଳାଙ୍ଗ ସ୍ବାସ୍ଥ୍ୟସେବା, ଝୁଡିରେ ବୁହା ହେଲେ ରୋଗୀ
ମାଲକାନଗିରି ଜିଲ୍ଲାର ଖଇରପୁଟ ବ୍ଲକ ଅନ୍ତର୍ଗତ ବଣ୍ଡାଘାଟିରୁ ସ୍ବାସ୍ଥ୍ୟସେବାର ସେଭଳି କିଛି ବିକଳ ଚିତ୍ର ସାମ୍ନାକୁ ଆସିଛି । ଏଠାରେ ଦୀର୍ଘ ୧୨ କିଲୋମିଟର ଝୁଡିରେ ବୁହା ହେବା ପରେ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚିଛି ରୋଗୀ । ସୂଚନା ଅନୁଯାୟୀ, ବଣ୍ଡାଘାଡି ଅନ୍ତର୍ଗତ ବେଲଗୁଡା ଗ୍ରାମର ସମ୍ବାରି କୀର୍ସାନିଙ୍କ ଦେହ ଅସୁସ୍ଥ ହୋଇପଡିଥିଲା ।