ମାଲକାନଗିରି: ଆଇନ ସେବା ପ୍ରାଧିକରଣ ପକ୍ଷରୁ ମାଲକାନଗିରି ଜିଲ୍ଲାରେ ବିଶ୍ଵ ଶିଶୁ ଶ୍ରମିକ ବିରୋଧ ଦିବସ ପାଳିତ ହୋଇଯାଇଛି । ଏହି ଅବସରରେ ସଚେତନତା କାର୍ଯ୍ୟକ୍ରମ ସହ ଶୋଭାଯାତ୍ରା ଆୟୋଜନ କରାଯାଇଥିଲା । ଦିନକୁ ଦିନ ଶିଶୁ ଶ୍ରମିକ ସଂଖ୍ୟା ବଢି ଚାଲିଥିବା ବେଳେ ଏହାକୁ କିପରି ରୋକ୍ ଲଗାଯିବ ସେ ନେଇ ସଚେତନ କରାଯାଇଥିଲା ।
ଉପାନ୍ତ ଜିଲ୍ଲା ମାଲକାନଗିରିରେ ଅନେକ ଛାତ୍ରଛାତ୍ରୀ ଅଧାରୁ ପାଠ ଛାଡି ଶିଶୁ ଶ୍ରମିକ ଭାବେ ଉଭା ହୋଇଛନ୍ତି । ଏମିତିକି ଶିଶୁମାନେ ପଡୋଶି ରାଜ୍ୟ ଆନ୍ଧ୍ରପ୍ରଦେଶ ଓ ଛତିଶଗଡ ରାଜ୍ୟକୁ ଯାଇ ସେଠାରେ ଶିଶୁ ଶ୍ରମିକ ଭାବେ କାର୍ଯ୍ୟ କରୁଛନ୍ତି । ଏହାକୁ ରୋକ ଲଗାଇବା ପାଇଁ ଏହି କାର୍ଯ୍ୟକ୍ରମରେ ସରକାରଙ୍କ ଦ୍ଵାରା ପ୍ରଦତ୍ତ ବିଭିନ୍ନ ଶିଶୁ ଶ୍ରମିକ ଆଇନ, ଶିଶୁ ସୁରକ୍ଷା ଅଧିକାର ସହ ସମ୍ବିଧାନରେ ଆଲୋଚନା କରାଯାଇଥିଲା ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ