ରାସ୍ତାରେ ଧାନ ରୋଇ ନିଆରା ପ୍ରତିବାଦ କଲେ ଗ୍ରାମବାସୀ

ଉପାନ୍ତ ଜିଲ୍ଲା ମାଲକାନଗିରିର ସଦର ବ୍ଲକ ଅନ୍ତର୍ଗତ ତାଳଗୁଡା ଗ୍ରାମରେ ରାସ୍ତାରେ ଧାନ ରୋଇ ପ୍ରତିବାଦ କଲେ ଗ୍ରାମବାସୀ ।

ମାଲକାନଗିରି: ନିଆରା ଢଙ୍ଗରେ ପ୍ରତିବାଦ । ରାସ୍ତାରେ ଧାନ ରୋଇ ପ୍ରତିବାଦ କଲେ ଗ୍ରାମବାସୀ । କିଛି ଏମିତି ଚିତ୍ର ଦେଖିବାକୁ ମିଳିଛି ଉପାନ୍ତ ଜିଲ୍ଲା ମାଲକାନଗିରିର ସଦର ବ୍ଲକ ଅନ୍ତର୍ଗତ ତାଳଗୁଡା ଗ୍ରାମରେ ।

ସୂଚନାନୁଯାୟୀ, ଦୀର୍ଘ ବର୍ଷ ଧରି ରାସ୍ତା ଖରାପ ଥିବା ଯୋଗୁଁ ଲୋକେ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ଯେଉଁଥି ପାଇଁ ଆଜି ଗ୍ରାମବାସୀ ବାଧ୍ୟ ହୋଇ ରାସ୍ତାରେ ଧାନ ଗଛ ରୋଇ ନିଆରା ପ୍ରତିବାଦ କରିଛନ୍ତି । ପୂର୍ବରୁ ରାସ୍ତା ନିର୍ମାଣ ପାଇଁ ଲୋକେ ଦାବି କରି ଆସୁଥିବାବେଳେ କେହି ଏନେଇ କୌଣସି ପଦକ୍ଷେପ ନ ନେବାରୁ ଲୋକେ ବାଧ୍ୟ ହୋଇ ଏଭଳି ପଦକ୍ଷେପ ନେଇଛନ୍ତି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ