ମାଲକାନଗିରି: ଜିଲ୍ଲା ପଡିଆ ବ୍ଲକ କୋଲାଗଣ୍ଡା ଆଶ୍ରମ ବିଦ୍ୟାଳୟରେ ଅସୁସ୍ଥତା ଯୋଗୁଁ 3 ଦିନରେ ଆଖି ବୁଜିଲେଣି ଦୁଇ ଜଣ ଛାତ୍ର । ୧୨ ଜଣ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ମୁଖ୍ୟ ଚିକିତ୍ସାଳୟରେ ଜଣେ ସପ୍ତମ ଶ୍ରେଣୀ ଛାତ୍ର ଜଣେ 8ମ ଶ୍ରେଣୀ ଛାତ୍ରଙ୍କ ମୃତ୍ୟୁ ହୋଇଛି । ପିଲାଙ୍କୁ ଜ୍ବର ଥଣ୍ଡା ହେଉଥିବା ସୂଚନା ମିଳିଛି ।
ଅସୁସ୍ଥତା ଯୋଗୁଁ ୩ ଦିନରେ ୨ ଛାତ୍ରଙ୍କ ମୃତ୍ୟୁ
ପ୍ରଧାନଶିକ୍ଷୟତ୍ରୀ କହିଛନ୍ତି, '' କିଛି ଦିନ ହେବ ପିଲାଙ୍କ ଦେହ ଖରାପ ହୋଇଥିଲା । ଛାତ୍ରମାନଙ୍କ ଗୋଡ ହାତ ଫୁଲି ଯାଇଥିଲା। ଦେହରେ କିଛି ଫଳି ଯାଇଥିଲା । ପ୍ରଥମେ ପଡିଆ ମେଡିକାଲରେ ଭର୍ତ୍ତି କରିଥିଲୁ ଏହା ପରେ ଜିଲ୍ଲା ଚିିକିତ୍ସାଳୟରେ ଭର୍ତ୍ତି କରାଯାଇଥିଲା।'' 3 ଦିନରେ ଦୁଇ ପିଲାଙ୍କ ମୃତ୍ୟୁ ହୋଇଥିବା ନେଇ ଜିଲ୍ଲା ମଙ୍ଗଳ ଅଧିକାରୀ ସୂଚନା ଦେଇଛନ୍ତି । ସେପଟେ ଛାତ୍ରମାନେ ଅସୁସ୍ଥ ହେବା ପରେ ବିଦ୍ୟାଳୟ କର୍ତ୍ତୃପକ୍ଷ ତାଙ୍କୁ ଚିକିତ୍ସାରେ ଅବହେଳା କରିଥିବା ଅଭିଯୋଗ କରିଛନ୍ତି ପରିବାର ।