ମାଲକାନଗିରି: ମୋଦିଙ୍କ ଐତିହାସିକ ବିଜୟରେ ଖୁସ ହୋଇ ମାଲକାନଗିରି ଜିଲ୍ଲାର ଜଣେ ଚା ଦୋକାନୀ ଶୁକ୍ରବାର ଦିନକ ପାଇଁ ଲୋକଙ୍କୁ ମାଗଣାରେ ଚା ବଣ୍ଟନ କରୁଛନ୍ତି ।
ସୁବାଷ ବୋଷ ଛକର ଚିଙ୍ଗୁଡୁ ନାମରେ ବେଶ ଜଣା ଶୁଣା ଏହି ଆଦିବାସି ଯୁବକ କେନ୍ଦ୍ରରେ ମୋଦି ସରକାର ଓ ମାଲକାନଗିରିରେ ବିଜେପି ବିଧାୟକ ଜିତିବାକୁ ନେଇ ଖୁସିରେ ଏପରି ଚା ବାଣ୍ଟୁଥିବା କହିଛନ୍ତି ।
ଚିଙ୍ଗୁଡୁ ଚା ବିକି ନିଜ ପରିବାରର ଚଳାଉଥିବା ବେଳେ ମୋଦିଙ୍କ ଲାଗି ସେ ତାଙ୍କର ଦିନକର ଆୟକୁ ଲୋକଙ୍କ ମଧ୍ୟରେ ବାଣ୍ଟିଛନ୍ତି ।
ଚା ବାଲାରୁ ଦେଶର ପ୍ରଧାନମନ୍ତ୍ରୀ ହୋଇଥିବା ମୋଦି ଏଥର ମଧ୍ୟ ପ୍ରଚଣ୍ଡ ବହୁମତରେ ବିଜୟଲାଭ କରିଛନ୍ତି । ଏଥିରେ ଖୁସି ହୋଇ ମାଲକାନଗିରିର ଜଣେ ଗରିବ ଯୁବକ ମାଗଣାରେ ଚା ବାଣ୍ଟିବା ନିଶ୍ଚିତ ରୂପେ ନିଆରା ଏବଂ ହୃଦୟ ଜିତିବା ଭଳି ଘଟଣା ବୋଲି ସ୍ଥାନୀୟ ବୁଦ୍ଧିଜୀବୀ ପ୍ରତିକ୍ରୟା ଦେଇଛନ୍ତି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ