ମାଲକାନଗିରି: ପୁଣି ମାନବିକତା ଦେଖାଇଲେ ଯବାନ । ପୋଲିସ ବିରୁଦ୍ଧରେ ସ୍ବର ଉତ୍ତୋଳନ କରୁଥିବା ନେତାଙ୍କୁ ପାଣି ପିଆଇ ହାତ ଧରି ପୋଲ ପାର୍ କରାଇଲେ ଯବାନ । ଏମିତି କିଛି ଚିତ୍ର ଦେଖିବାକୁ ମିଳିଛି ମାଲକାନଗିରିର ଲାଲଗଡ଼ କୁହାଯାଉଥିବା ବିଚ୍ଛିନ୍ନାଞ୍ଚଳରେ ।
ଚଳିତ ମାସ 15 ତାରିଖ ଦିନ ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ବିଛିନ୍ନାଞ୍ଚଳର ଧୂଳିପୁଟ ପଞ୍ଚାୟତ ଅନ୍ତର୍ଗତ ରାଙ୍ଗିନିଗୁଡା ଗ୍ରାମର ରାଜୁ ହନ୍ତାଳ ନାମକ ଜଣେ ଆଦିବାସୀଙ୍କ ମୃତ୍ୟୁକୁ ନେଇ ଉତ୍ତ୍ୟକ୍ତ ହୋଇଥିଲେ ଆଦିବାସୀ । ଏହା ପରଠାରୁ ଅଶାନ୍ତ ହୋଇ ପଡ଼ିଥିଲା ସମଗ୍ର ବିଚ୍ଛିନ୍ନାଞ୍ଚଳ । ଏହା ପରେ ଆନ୍ଧ୍ର ଓଡିଶା ସୀମାନ୍ତର ପ୍ରାୟ ୫ ହଜାର ଲୋକ ଏକତ୍ରିତ ହୋଇ ଡୋଳିଆମ୍ବ ଗାଁରେ ପ୍ରଜାମେଳି କରିଥିଲେ । ତେବେ ଆନ୍ଧ୍ରରୁ ଆସିଥିବା ଜଣେ 60 ବର୍ଷୀୟ ବୃଦ୍ଧଙ୍କ ସହ 5 ଜଣ ନେତା ଏକ ଦାବି ପତ୍ର ଦେବା ପାଇଁ ପ୍ରଶାସନ ନିକଟକୁ ଦୁଇ କିଲୋମିଟରରୁ ଊର୍ଦ୍ଧ୍ବ ରାସ୍ତା ଜଙ୍ଗଲ ପାହାଡ଼ ନଦୀ ଡେଇଁ ଆସିଥିଲେ ।
ଭିଡିଓ ସୌଜନ୍ୟ- ସମ୍ବାଦଦାତା, ମାଲକାନଗିରି