ମାଲକାନଗିରି:ଏକ ବର୍ଷ 2 ମାସ 16 ଦିନର ଲଢେଇ । ସଫଳ ହେଲା ବସ୍ତିବାସିନ୍ଦାଙ୍କ ଗଣଧାରଣା । ମାଲକାନଗିରି ଜିଲ୍ଲା ମ୍ୟୁନିସିପାଲଟି ୩ ନମ୍ବର ୱାର୍ଡର ବସ୍ତିବାସିନ୍ଦାଙ୍କ ୧୪ମାସ ୧୫ଦିନ ଅନଶନ ଗଣଧାରଣାର ଐତିହାସିକ ବିଜୟ ହୋଇଛି । ପୂରଣ ହେଲା ଦାବି, ମିଳିଲା ଜମିପଟ୍ଟା । ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ ଧାରଣାରେ ବସିଥିବା ବସ୍ତିବାସିନ୍ଦାଙ୍କୁ ଜମିପଟ୍ଟା ପ୍ରଦାନ କରିଛନ୍ତି ।
ଦାବି ପୂରଣ ପାଇଁ ଏକ ବର୍ଷ 2ମାସ 16 ଦିନ ଲଢ଼େଇ । ଖରା, ବର୍ଷା, ଶୀତରେ ଦିନ ରାତି ଆନ୍ଦୋନଳ ଜାରି ରଖିଥିଲେ ବସ୍ତିବାସିନ୍ଦା । ଦାବି ପୂରଣ ନହେବା ପର୍ଯ୍ୟନ୍ତ ଆନ୍ଦୋଳନରୁ ଓହରି ନଥିଲେ । ନିର୍ବାଚିତ ପ୍ରତିନିଧିଠାରୁ ଆରମ୍ଭ କରି ପ୍ରଶାସନିକ ଅଧିକାରୀ ପର୍ଯ୍ୟନ୍ତ ବାରମ୍ବାର ପ୍ରତିଶ୍ରୁତି ଦେବା ସହ ଆନ୍ଦୋଳନରୁ ପ୍ରତ୍ୟାହାର କରିବା ପାଇଁ କହିଥିଲେ । କିନ୍ତୁ ନିଜ ଜିଦରେ ଅଟଳ ରହି ଅହରହର ଆନ୍ଦୋଳନ ଜାରି ରଖିଥିଲେ । ଶେଷରେ 14 ମାସ 15 ଦିନ ଆନ୍ଦୋଳନ କରିବା ପରେ ସଫଳ ହୋଇଛନ୍ତି । ମାଲକାନଗିରି ପୌରପାଳିକାରେ ଭୂମି ଅଧିକାର ପ୍ରମାଣପତ୍ର ପଟ୍ଟା ପାଇଁ ଆନ୍ଦୋଳନ କରିଥିବା ହିତାଧିକାରୀଙ୍କୁ ଅଧିକାର ମିଳିଛି ।
ୱାର୍ଡର ବସ୍ତିବାସିନ୍ଦାଙ୍କ ଆନ୍ଦୋଳନକୁ ସମ୍ମାନ ଜଣାଇବା ସହ ସେମାନଙ୍କ ଦାବି ରଖାଯାଇଛି । ତହସିଲଦାର କହିଛନ୍ତି, ''ଏହି ୱାର୍ଡର ୨ଟି ବସ୍ତିରେ ରହିଥିବା ୨୪୪ ହିତାଧିକାରୀଙ୍କୁ ଭୂମି ଅଧିକାର ପ୍ରମାଣପତ୍ର ତଥା ଜମିପଟ୍ଟା ପ୍ରଦାନ କରାଯିବ । ପ୍ରଥମ ପର୍ଯ୍ୟାୟରେ ୬୦ ଜଣ ହିତାଧିକାରୀଙ୍କୁ ପଟ୍ଟା ବଣ୍ଟନ କରାଯାଇଛି । ଏହି କାର୍ଯ୍ୟକ୍ରମକୁ ସମାଜସେବୀ ଆର ଶ୍ରୀନିବାସ ରାଓ ପରିଚାଳନା କରିଥିଲେ । ୩ ନମ୍ବର ୱାର୍ଡର ଜେଲ ସାହି ଓ କୁମ୍ଭାର ସାହିର ବସ୍ତିବାସିନ୍ଦା ଜାଗା ମିଶନରେ ଭୂମି ଅଧିକାର ପ୍ରମାଣପତ୍ର ପାଇ ପାରିନଥିଲେ । ଏନେଇ ବାରମ୍ବାର ଦାବି କରିଥିଲେ କିନ୍ତୁ କୌଣସି ସମାଧାନ ହୋଇପାରି ନଥିଲା । ଏନେଇ ଗତବର୍ଷ ପୌର ନିର୍ବାଚନ ପୂର୍ବରୁ ପଟ୍ଟା ପ୍ରଦାନ ନ କଲେ ଭୋଟ ବର୍ଜନ କରିବା ପାଇଁ ଆନ୍ଦୋଳନ କରିଥିଲେ ।