ମାଲକାନଗିରି: ଜିଲ୍ଲାରେ ନକ୍ସଲପନ୍ଥୀଙ୍କ ଟାର୍ଗେଟ ସତ୍ତ୍ବେ ଶାନ୍ତିପୂର୍ଣ୍ଣ ଭାବେ ନିର୍ବାଚନ କରିଥିବା ପୋଲିଂ ଅଧିକାରୀଙ୍କୁ ରାଜ୍ୟ ନିର୍ବଚନ କମିଶନର ପୁରସ୍କୃତ କରିଛନ୍ତି । ଗତ ୧୧ତାରିଖ ଦିନ ପ୍ରଥମ ପର୍ଯ୍ୟାୟ ନିର୍ବାଚନ ବେଳେ ବଣ୍ଡା ଘାଟିକୁ ଯାଇଥିବା ପୋଲିଂ ଅଧିକାରୀଙ୍କୁ ଟାର୍ଗେଟ କରିଥିଲେ ମାଓବାଦୀ । ମତଦାନ ପରେ ରାସ୍ତାରେ ନକ୍ସଲପନ୍ଥୀଙ୍କ ଲ୍ୟାଣ୍ଡମାଇନ ଲାଗିଥିବା ଆଶଙ୍କା କରି ୧୫ କିଲୋମିଟର ପାହାଡିଆ ରାସ୍ତା ଚାଲି ଚାଲି ଆସିଥିଲେ ମାଲକାନଗିରି ଜିଲ୍ଲାର ୬ ଟି ପୋଲିଂ ପାର୍ଟି ।
ଭିଡିଓ ସୌଜନ୍ୟ- ସମ୍ବାଦଦାତା, ମାଲକାନଗିରି
ଖଇରପୁଟ ବ୍ଲକ ଅନ୍ତର୍ଗତ ବଣ୍ଡା ଘାଟିରେ ନକ୍ସଲ ମାନେ ବଡଧରଣର ନିର୍ବାଚନୀ ହିଂସା କରିବାର ଯୋଜନା କରୁଥିବା ରାଜ୍ୟ ଗୁଇନ୍ଦା ବିଭାଗ ସୂଚନା ଦେବା ପରେ ମାଲକାନଗିରି ପୋଲିସ ସଜାଗ ହୋଇଥିଲା । ବଣ୍ଡା ଘାଟିର ୬ ଟି ବୁଥ ଲାଗି ୩୬ ଜଣ ପୋଲିଂ ଅଧିକାରୀଙ୍କୁ ଦିନରେ ପଠାନଯାଇ ୧୦ ତାରିଖ ରାତି ୨ଟାରେ ବୋଲେରୋ ଗାଡିରେ ସେଠାକୁ ପଠାଯାଇଥିଲା ।