କରେଣ୍ଟ ଲାଗି ଜଣେ ଯବାନ ମୃତ, ଅନ୍ୟଜଣେ ଗୁରୁତର

ମାଲକାନଗିରି ଜିଲ୍ଲା ମାଥିଲି ଥାନା ଅଞ୍ଚଳରେ ଅଭାବନୀୟ ଘଟଣା ଘଟିଛି, ଯେଉଁଥିରେ କରେଣ୍ଟ ଲାଗି ଜଣେ ଯବାନଙ୍କ ମୃତ୍ୟୁ ଘଟିଥିବାବେଳେ ଅନ୍ୟଜଣେ ଗୁରୁତର ହୋଇଛନ୍ତି ।

ମାଲକାନଗିରି: ବିଦ୍ୟୁତ ଆଘାତରେ ଜଣେ ଯବାନଙ୍କ ମୃତ୍ୟୁ ଘଟିଥିବାବେଳେ ଅନ୍ୟଜଣେ ଗୁରୁତର । ମାଲକାନଗିରି ଜିଲ୍ଲା ମାଥିଲି ଥାନା ଅଞ୍ଚଳରେ ଏହି ଅଭାବନୀୟ ଘଟଣା ଘଟିଛି ।

ମିଳିଥିବା ସୂଚନା ଅନୁସାରେ, SSB ଫୋର୍ଥ ବାଟାଲିୟାନ କ୍ୟାମ୍ପରେ ବିଦ୍ୟୁତ ସରାବରାହ କାର୍ଯ୍ୟରେ ଏହି ଦୁଇ ଜଣ ଯବାନ ନିୟୋଜିତ ଥିଲେ । ଏହି ସମୟରେ ଯବାନ ଦୁଇ ଜଣଙ୍କୁ ଇଲେକ୍ଟ୍ରିକ କରେଣ୍ଟ ଲାଗିବାରୁ ଏହି ଅଘଟଣ ଘଟିଛି ।

ମୃତ ଯବାନ ଜଣକ ହେଲେ ରାହୁଲ କୁମାର ବେହେରା ମୃତ । ଉଭୟଙ୍କୁ କୋରାପୁଟ ମେଡିକାଲକୁ ନିଆଯାଇ ଥିବାବେଳେ ମେଡିକାଲରେ ରାହୁଲଙ୍କ ମୃତ୍ୟୁ ଘଟିଥିବାବେଳେ ଅନ୍ୟଜଣେ ଗୁରୁତର ଯବାନଙ୍କର ଚିକିତ୍ସା ଚାଲିଛି।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ