ମାଲକାନଗିରି: ଜିଲ୍ଲା ଚିତ୍ରକୋଣ୍ଡା ଠାରେ ଥିବା ବାଲିମେଳା ଜଳଭଣ୍ଡାରରୁ ଜଳ ନିଷ୍କାସନ କରିବା ପାଇଁ ଆଜି ଚାରି ନମ୍ବର ସ୍ଲୁଇସ୍ ଗେଟ ଖୋଲା ଯାଇଛି । ବାଲିମେଳା ଜଳଭଣ୍ଡାରରେ 1 ହଜାର 514 ଫୁଟ ଜଳ ସଂରକ୍ଷଣ କରିବାର କ୍ଷମତା ରହିଥିବା ବେଳେ ବର୍ତ୍ତମାନ ସୁଦ୍ଧା ସର୍ବନିମ୍ନ ବିପଦସ୍ତର ମଧ୍ୟ ଛୁଇଁନାହିଁ ପାଣି ।
ଭିଡିଓ ସୌଜନ୍ୟ- ସମ୍ବାଦଦାତା, ମାଲକାନଗିରି
ଜଳଭଣ୍ଡାରରେ ବର୍ତ୍ତମାନ 1 ହଜାର 492 ଫୁଟ ଜଳ ରହିଛି । ହେଲେ ଆନ୍ଧ୍ରପ୍ରଦେଶକୁ ପାଣିର ଆବଶ୍ୟକତା ହୋଇଥିବା ବେଳେ ଚିତ୍ରକୋଣ୍ଡା ଜଳଭଣ୍ଡାରର କାର୍ଯ୍ୟ ନିର୍ବାହୀ ଯନ୍ତ୍ରୀ ଗୋଟିଏ ଗେଟ୍ ଖୋଲିବା ପାଇଁ ନିର୍ଦ୍ଦେଶ ଦେଇଛନ୍ତି । ବାଲିମେଳା ଜଳଭଣ୍ଡାର ଓଡ଼ିଶା ଓ ଆନ୍ଧ୍ରପ୍ରଦେଶର ଯୁଗ୍ମ ପ୍ରକଳ୍ପ ହୋଇଥିବାରୁ ଏହି ନିର୍ଦ୍ଦେଶ ଦିଆଯାଇଛି ।