ଗାଡ଼ି ପୂଜା ବେଳେ ପୂଜକଙ୍କ ମୃତ୍ୟୁ

ପୂଜା କରିବା ସମୟରେ ପୂଜକ ମୃତ୍ୟୁ । ନୂଆ ପିକଭ୍ୟାନ ପୂଜା କରିବାକୁ ଯାଇ ଘଟିଯାଇଛି ଏଭଳି ଅଭାବନୀୟ ଘଟଣା । ଏ ନେଇ ଏକ ମାମଲା ମଧ୍ୟ ରୁଜୁ କରାଯାଇଛି ।

ମାଲକାନଗିରି: ମୃତ୍ୟୁ ଏମିତି ବି ଆସେ । ପୂଜା କରୁ କରୁ ଚାଲିଗଲା ପୂଜକଙ୍କ ଜୀବନ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମାଥିଲି ବ୍ଲକ କୁତୁନିପାଲୀର ଦୁରକାଯୋଡି ଅଞ୍ଚଳରେ ।

ଉକ୍ତ ଗ୍ରାମର ତ୍ରିନାଥ ପୂଜାରୀ ନୂଆ ପିକଭ୍ଯାନ ଆଣିଥିବା ବେଳେ ଆଜି ଗାଡି ପୂଜା କରିଥିଲେ । ପୂଜକ ଚତୁର୍ଭୁଜ ମହାନ୍ତି ଗାଡିର ପୂଜା କରୁଥିବା ବେଳେ ହଠାତ ଗାଡିଟି ଚଢି ଯାଇଥିଲା । ଏହି ସମୟରେ ଗାଡ଼ିର ମାଲିକ ତ୍ରିନାଥ ପୂଜାରୀଙ୍କ ପୁଅ ଗାଡ଼ି ଚଳାଉଥିଲେ । ଫଳରେ ଘଟଣାସ୍ଥଳରେ ପୂଜକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।

ସେପଟେ, ପୂଜକ ଜଣକ ହେଉଛନ୍ତି ନେତାଲଗଞ୍ଜ ଅଞ୍ଚଳର ହୋଇଥିବା ବେଳେ ଏନେଇ ଥାନାରେ ଏକ ମାମଲା ରୁଜୁ କରାଯାଇଛି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ