ମାଲକାନଗିରି: ପୁଣି ଅନ୍ଧବିଶ୍ବାସ ନେଲା ଜୀବନ । ଗୁଣିଗାରେଡି ପାଇଁ ବାପା ଓ ପୁଅଙ୍କୁ ପିଟି ପିଟି ମାରିଦେଲେ ଗାଁଲୋକେ । ଏଭଳି ଅଭାବନୀୟ ଘଟଣା ଘଟିଛି ମାଲକାନଗିରି ଜିଲ୍ଲାରେ । ସେପଟେ ହତ୍ୟା କରିବା ପରେ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି ଅଭିଯୁକ୍ତ । ମୃତକ ମାନେ ହେଲେ ମାଥିଲି ଥାନା ଅନ୍ତର୍ଗତ ମାଳିଗୁଡା ଗାଁର ବାପା ସଦନ ଖିଲ ଓ ପୁଅ ନିଳାନ୍ଦ୍ରୀ ଖିଲ ।
ଗୁଣି ଗାରେଡି ସନ୍ଦେହରେ ବାପା-ପୁଅଙ୍କୁ ପିଟି ପିଟି ହତ୍ୟା
ସୂଚନା ଅନୁଯାୟୀ, ଗତ ଶୁକ୍ରବାର ରାତିରେ ଗୋବିନ୍ଦପାଲ୍ଲି ବଜାରରୁ ମୋଟର ସାଇକଲେ ଯୋଗେ ଦୁହେଁ ଘରକୁ ଫେରୁଥିବା ବେଳେ ଗାଁ ନିକଟରେ କିଛି ଯୁବକ ସେମାନଙ୍କୁ ଅଟକାଇ ନିସ୍ତୁକ ପିଟିଥିଲେ । ଫଳରେ ଘଟଣା ସ୍ଥଳରେ ଉଭୟଙ୍କ ମୃତ୍ୟୁ ହୋଇଥିଲା । ପୂର୍ବରୁ ଗୁଣିଗାରେଡି ସନ୍ଦେହରେ ଏହି ପରିବାରକୁ ଗାଁରୁ ବାସନ୍ଦ କରାଯାଇଥିଲା ।