ମାଲକାନଗିରି: ବିଶ୍ବ ମହିଳା ଦିବସରେ ପୋଲିସ ନିକଟରେ ଆତ୍ମସମର୍ପଣ କରିଛି ହାର୍ଡକୋର ମାଓନେତ୍ରୀ ଦେବେ ସୋଡି । ମାଲକାନଗିରି ଏସପିଙ୍କ ନିକଟରେ ସେ ଆତ୍ମସମର୍ପଣ କରିଥିଲା । ସେ ମାଲକାନଗିରି ସୀମାନ୍ତ ଦରଭା ଡିଭିଜନ ମାଓସଙ୍ଗଠନରେ ଏରିଆ କମିଟି ମେମ୍ବର ଭାବେ କାମ କରୁଥିଲା । ଦେବେକୁ ଧରିବା ପାଇଁ ରାଜ୍ୟସରକାର 4 ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲେ ।
ବିଶ୍ବ ମହିଳା ଦିବସରେ ଲାଲବାହିନୀକୁ ଶକ୍ତ ଧକ୍କା, ପୋଲିସ ନିକଟରେ ମାଓନେତ୍ରୀର ଆତ୍ମସମର୍ପଣ
ଦେବେ ଗତ 2012ରେ ମାଓବାଦୀ ସଙ୍ଗଠନରେ ସାମିଲ ହୋଇଥିଲା । ସଙ୍ଗଠନରେ ସାମିଲ ହେବା ପରେ ବିଭିନ୍ନ ହିଂସାତ୍ମକ କାର୍ଯ୍ୟକଳାପରେ ସାମିଲ ଥିଲା । ନିରିହ ଆଦିବାସୀଙ୍କୁ ପୋଲିସ ଇନଫର୍ମର ସନ୍ଦେହରେ ହତ୍ୟା କରିବା, ତୁଳସୀ ପାହାଡ ନିକଟରେ ଗୁଳିମାଡ, ଦାନ୍ତେୱାଡା, ସୁକମା ଭଳି ବିଭିନ୍ନ ଗୁଳିକାଣ୍ଡ ଘଟଣାରେ ମୁଖ୍ୟ ଥିଲା ସେ ।