ମାଲକାନଗିରି: ଲାଲଗଡରେ ପୁଣି ମାଓ ପୋଷ୍ଟର । କାଲିମେଳା ବସଷ୍ଟାଣ୍ଡ ଏମପିଭି 31 ନିକଟରେ ଦେଖିବାକୁ ମିଳିଛି ମାଓବାଦୀଙ୍କ ଏହି ଧମକପୂର୍ଣ୍ଣ ପୋଷ୍ଟର । ପୋଷ୍ଟର ମାଧ୍ୟମରେ ନିଜର ଉପସ୍ଥିତି ଓ ଦବଦବାକୁ ଜାହିର କରିବାକୁ ଯାଇ ମାଓବାଦୀସମଗ୍ର ଅଞ୍ଚଳରେ କୋକୁଆ ଭୟ ସୃଷ୍ଟି କରିଛନ୍ତି । ଯାହାକୁ ନେଇ ଚିନ୍ତାରେ ନେତା ଏବଂ ଜନତା ।
ଆଗକୁ ସାଧାରଣ ନିର୍ବାଚନ ରହିଥିବା ବେଳେ ଲୋକସଭା ଓ ବିଧାନସଭାରେ ଭାଗ ନ ନେବା ପାଇଁ ସାଧାରଣଜନତାକୁ ଆହ୍ବାନ କରୁଛି ମାଓ ସଙ୍ଗଠନ । ଏହାସହ ବିଜେପିର ଧର୍ମେନ୍ଦ୍ର ପ୍ରଧାନ, ଉପରାଷ୍ଟ୍ରପତି ଭେଙ୍କେୟା ନାଇଡୁ, ନରେନ୍ଦ୍ର ମୋଦୀ, ଗୃହମନ୍ତ୍ରୀ ରାଜନାଥ ସିଂ ଓ ଅମିତ ଶାହାଙ୍କୁ ସାମ୍ରାଜ୍ୟବାଦୀ ହିନ୍ଦୁ, ଉଗ୍ରବାଦୀ ଓ ଦେଶଦ୍ରୋହୀ ବୋଲି ଆଖ୍ୟା ଦେଇଛନ୍ତି ।