ମାଲକାନଗିରି: ଏପର୍ଯ୍ୟନ୍ତ ସୁସ୍ଥ ହୋଇପାରୁନାହାନ୍ତି ଦୁଇ ଶିଶୁ । ଗତ ରବିବାର ଗୌଡଗୁଡାର ସୀତା ମାଡକାମୀଙ୍କ ଆତ୍ମହତ୍ୟା ଓ ଦୁଇ ଶିଶୁଙ୍କୁ ହତ୍ୟା ଉଦ୍ୟମ ଘଟଣାରେ ମାଆ ସୀତା ମାଡକାମୀଙ୍କ ମୃତ୍ୟୁ ଘଟିଥିବା ବେଳେ ଏପର୍ଯ୍ୟନ୍ତ ସମ୍ପୂର୍ଣ୍ଣ ରୂପେ ସୁସ୍ଥ ହୋଇ ପାରୁନାହାନ୍ତି ଦୁଇ ଶିଶୁ । ତେଣୁ ଆହୁରି 48 ଘଣ୍ଟା ସେମାନଙ୍କ ସ୍ବାସ୍ଥ୍ୟବସ୍ଥା ସଙ୍ଗିନ୍ ରହିବ ବୋଲି ସୋମବାର ମାଲକାନଗିରି ମେଡିକାଲ ସୁପରିଟେଣ୍ଡେଣ୍ଟ, ଡ.ଅନିଲ କୁମାର ମିଶ୍ର କହିଛନ୍ତି ।
ଭିଡିଓ ସୌଜନ୍ୟ:ସମ୍ବାଦଦାତା, ମାଲକାନଗିରି
ଏହାଛଡା ଦୁଇ ଶିଶୁଙ୍କ ସମସ୍ତ ମେଡିକାଲ ଖର୍ଚ୍ଚ ଜିଲ୍ଲା ହେଡକ୍ବାର୍ଟର ହସ୍ପିଟାଲ ବହନ କରିବ ବୋଲି ସେ କହିଛନ୍ତି । ଯଦି ଶିଶୁମାନଙ୍କ ସ୍ବାସ୍ଥ୍ୟବସ୍ଥାରେ ପରିବର୍ତ୍ତନ ନ ଆସେ ତେବେ ଦରକାର ପଡିଲେ ସେମାନଙ୍କୁ ବାହାର ମେଡିକାଲକୁ ନିଆଯିବ ବୋଲି ମଧ୍ୟ ସେ କହିଛନ୍ତି ।