ମାଲକାନଗିରି: ଜିଲ୍ଲାର ସଦର ମହକୁମା ବିବିଗୁଡା କଲୋନୀରେ ଫିଲ୍ମ ଷ୍ଟାଇଲରେ ଲୁଟ ହୋଇଛି । ମିଠାରେ ନିଶା ମିଶାଇ ଖାଇବାକୁ ଦେବାପରେ ଅତି ସହଜରେ ସୁନାରୀଙ୍କ ଘରୁ 35 ଲକ୍ଷ ଟଙ୍କାର ସୁନା ଗହଣା ସହ ନଗଦ 2 ଲକ୍ଷ ଟଙ୍କା ଲୁଟ ହୋଇଥିବା ଜଣାପଡିଛି ।
ଫିଲ୍ମ ଷ୍ଟାଇଲରେ ଲୁଟ; ନିଶାଦ୍ରବ୍ୟ ଦେଇ ଲୁଟି ନେଲେ ଲକ୍ଷାଧିକ ଟଙ୍କା, ଅଳଙ୍କାର
ଲୁଟ ପାଇଁ 3 ମାସ ଆଗରୁ ହୋଇଥିଲା ବ୍ଲୁ ପ୍ରିଣ୍ଟ । 3 ମାସ ତଳେ ସୁନାରୀଙ୍କ ଘରେ ଭଡାରେ ରହୁଥିଲା ଲୁଟେରା । ଗତିବିଧିକୁ ଦେଖି ଲୁଟର ଯୋଜନା ହୋଇଥିଲା । ସୋମବାର ରାତି 8ଟା ସମୟରେ ନିଜର ଚାକିରୀ ହୋଇଥିବା କହି ସୁନାରୀଙ୍କ ପରିବାରକୁ ମିଠା ଦେବା ସହ ନିକଟସ୍ଥ 7ରୁ 8ଟି ପରିବାରକୁ ମିଠା ଖୁଆଇଥିଲା । ମିଠା ଖାଇବାର 2 ଘଣ୍ଟା ପରେ ସମସ୍ତେ ଅଚେତ ହୋଇ ପଡ଼ିଥିଲେ । ପରେ ଅତି ସହଜରେ ଗ୍ୟାସ କଟର ସାହାଯ୍ୟରେ ଝରକା କାଟି ଘରେ ପ୍ରବେଶ କରି ଘରର କବାଟ ତାଡି ଘରେ ପଶି ଲୁଟେରାମାନେ ଅତି ସହଜରେ ଲୁଟି ନେଇଥିଲେ ସୁନା ଗହଣା।