ଏମିତି ଆମ ସ୍ବାସ୍ଥ୍ୟସେବା, ହସ୍ପିଟାଲରେ ପାଣି ନଥିବାରୁ ହୋଇପାରିଲାନି ଡାଏଲିସିସ

ମାଲକାନାଗିରି ଜିଲ୍ଲା ହସ୍ପିଟାଲ ରେ ପାଣି ନଥିବାରୁ କିଡନୀ ରୋଗୀଙ୍କ ହୋଇପାରିଲା ନାହିଁ ଡାଏଲିସିସ ଚିକିତ୍ସା । ଆଠ ଜଣ ରୋଗୀଙ୍କୁ ଘରକୁ ଫେରାଇ ଦେଲେ ଡାକ୍ତର । ଅଧିକ ପଢନ୍ତୁ

ମାଲକାନଗିରି:ସ୍ବାସ୍ଥ୍ୟ ସେବାର ବିକଳ ଚିତ୍ର । ହସ୍ପିଟାଲରେ ପାଣି ନଥିବାରୁ ହୋଇ ପାରିଲାନାହିଁ ରୋଗୀଙ୍କ ଡାଏଲିସିସ ଚିକିତ୍ସା । ଫଳରେ ଘରକୁ ଫେରାଇ ଦେଲେ ଡାକ୍ତର । ଜଣେ କି ଦୁଇ ଜଣ ନହେଁ ଏକା ସାଙ୍ଗରେ ୮ଜଣ କିଡନୀ ରୋଗୀଙ୍କୁ ଚିକିତ୍ସା କରିବା ପରିବର୍ତ୍ତେ ଘରକୁ ଯିବାକୁ କହିଥିଲେ ଡାକ୍ତର । ମାଲକାଲଗିରି ଜିଲ୍ଲା ହସ୍ପିଟାଲ ବିରୋଧରେ ରୋଗୀ ଆଣିଛନ୍ତି ଏଭଳି ସାଙ୍ଘାତିକ ଅଭିଯୋଗ ।

ଏନେଇ ହସ୍ପିଟାଲ ଡାଏଲିସିସ ସେଣ୍ଟର ମ୍ୟାନେଜରଙ୍କୁ ପଚାରିବାରୁ ସେ ଏହି ଘଟଣାକୁ ସ୍ବୀକାର କରିଛନ୍ତି । ''କିଛି ଦିନ ହେବ କଷ୍ଟ୍ରକ୍ସନ କାମ ଚାଲିଥିବାରୁ ପାଣି ପାଇପ ଲାଇନ ଫାଟି ଯାଇଛି, ଫଳରେ ଜୁରୁରୀ ମୁତାବତ ପାଣି ମିଳିପାରୁନି, ଏହି କାରଣ ଯୋଗୁଁ ରୋଗୀଙ୍କ ଡାଏଲିସିସ ହୋଇପାରୁନାହିଁ । ଚିକିତ୍ସା ହୋଇପାରୁନଥିବାରୁ ସେ ହସ୍ପିଟାଲ ମ୍ୟାନେଜର, ହସ୍ପିଟାଲ ଏଡିଏମଓ ଓ ସିଡିଏମଓଙ୍କୁ ଜଣାଇଥିବା କହିଛନ୍ତି ଡାଏଲିସିସ ସେଣ୍ଟର ମ୍ୟାନେଜର ।"

ତେବେ ଏଠି ପ୍ରଶ୍ନ ଉଠୁଛି ଚିକିତ୍ସା ଅଭାବରୁ ଯଦି କିଡନୀ ରୋଗୀଙ୍କ ମୃତ୍ୟୁ ଘଟେ ତେବେ ଦାୟୀ ରହିବ କିଏ, ଯଦି ହସ୍ପିଟାଲରେ ପାଣି ନାହିଁ, କାହିଁକି ଏହାର ବିକଳ୍ପ ବ୍ୟବସ୍ଥା କରାଯାଉନାହିଁ । ହସ୍ପିଟାଲ ମ୍ୟାନେଜର, ଏଡିଏମଓ ଓ ସିଡିଏମଓଙ୍କୁ ଏ ବିଷୟରେ ଅବଗତ ଥିଲେ ବି କାହିଁକି ତ୍ବରତି ପଦକ୍ଷପ ନିଆଗଲା ନାହିଁ, ଏପରି ପ୍ରଶ୍ନ ଏବେ ସମସ୍ତଙ୍କ ମନରେ ଉଙ୍କି ମାରୁଛି । ଜିଲ୍ଲାରେ ଏତେ ବଡ ହସ୍ପିଟାଲରେ ପାଣିନଥିବା ଯୋଗୁଁ ଚିକିତ୍ସା ବନ୍ଦ ହେବା ନିହାତି ଏକ ନିନ୍ଦନୀୟ ଘଟଣା ।