ମାଲକାନଗିରି: ମାଓବାଦୀଙ୍କ ମୁହଁରେ ଥିଲା ମାସ୍କ ଓ ହାତରେ ଫୁଲ ତୋଡା । କୋରୋନା ସତର୍କତା ପାଇଁ ମାସ୍କ ପିନ୍ଧି ମାଲକାନଗିରି ପୋଲିସ ନିକଟରେ ଆତ୍ମସମର୍ପଣ କଲେ ନକ୍ସଲ । ପୋଲିସ ନିକଟରେ ଜଣେ କ୍ୟାଡର ଓ 7 ମିଲିସିଆ ଆତ୍ମସମର୍ପଣ କରିଛନ୍ତି । ମାଓ କାର୍ଯ୍ୟକଳାପରେ ଲିପ୍ତ ସମସ୍ତ 8 ସଦସ୍ୟ ସ୍ବାଭିମାନ ଅଞ୍ଚଳର ବୋଲି ଜଣାଯାଇଛି । ସମସ୍ତେ ମାଲକାନଗିରି ଏସ୍ପିଙ୍କ ଉପସ୍ଥିତିରେ ଆତ୍ମସମର୍ପଣ କରିଛନ୍ତି । ମାଓ ସଂଗଠନ ସ୍ବତନ୍ତ୍ର ଜୋନାଲ କମିଟି ମଧ୍ୟରେ ଥିବା AOB ମିଲିଟାରୀ ପ୍ଲାଟୁନର ସଦସ୍ୟ ସାମ୍ବା କୋରା ଓରଫ୍ ରଣଦେବ ଓରଫ୍ ଦେବଙ୍କ ସମେତ 7 ମିଲିସିଆ ମାଲକାନଗିରି ଏସପିଙ୍କ ନିକଟରେ ଆତ୍ମସମର୍ପଣ କରିଛନ୍ତି ।
ମାଲକାନଗିରି ପୋଲିସ ନିକଟରେ ଆତ୍ମସମର୍ପଣ କଲେ 8 ମାଓବାଦୀ
ସମ୍ବା କୋରା 12ରୁ ଉର୍ଦ୍ଧ୍ବ ହିଂସା ଘଟଣାରେ ଜଡ଼ିତ ଥିଲା । ଆନ୍ଧ୍ର ବିଧାୟକ କେ.ଏସ. ରାଓ ଓ ପୂର୍ବତନ ବିଧାୟକ ଶିବେରି ସୋମାକୁ ହତ୍ୟା ଘଟଣାରେ ସେ ଜଡ଼ିତ ଥିବା ସୂଚନା ରହିଛି ।