ମାଲକାନଗିରି : ତତଲା କଡେଇରେ ସିଝୁଛି ମାଲକାନଗିରି । ଦିନକୁ ଦିନ ବଢିବାରେ ଲାଗିଛି ତାପମାତ୍ରା । ତାତି ସାଙ୍ଗକୁ ଜଳକଷ୍ଟରେ କଲବଲ ଉପାନ୍ତ ଅଞ୍ଚଳର ଆଦିବାସୀ ସମ୍ପ୍ରଦାୟ । ପାରଦ 47 ଡିଗ୍ରୀକୁ ଛୁଇଁଥିବା ବେଳେ ଶୁଖି ଯାଇଛି ସମସ୍ତ ଜଳାଶୟ । ଆଉ ବିଚ୍ଛିନ୍ନାଞ୍ଚଳବାସୀଙ୍କ ଏକମାତ୍ର ଭରସା ପାଲଟିଛି ପାହାଡ ପାଖରେ ଥିବା ଛୋଟିଆ ଚୁଆ ।
ଭିଡିଓ ସୌଜନ୍ୟ : ସମ୍ବାଦଦାତା,ମାଲକାନଗିରି
ପାଣି ଟୋପାଏ ପାଇଁ ଡହଳ ବିକଳ ଉପାନ୍ତବାସୀଙ୍କୁ ଗରା, ମାଠିଆ ଧରି ଚାଲିଚାଲି ଯିବାକୁ ପଡେ ଦୁଇ କିଲୋମିଟର । ସେପଟେ ରୋଷେଇ ସହ ଘରକାମରେ ବ୍ୟବହାର ହୁଏ ଏହି ବିଶୁଦ୍ଧ ଚୁଆ ପାଣି । ଜଳସଂକଟ ନେଇ ସ୍ଥାନୀୟ ସରପଞ୍ଚଙ୍କ ଠାରୁ ଆରମ୍ଭ କରି ବିଡିଓଙ୍କୁ ଜଣାଇ ସାରିଛନ୍ତି ଗ୍ରାମବାସୀ । ହେଲେ ଶାସକ ଠୁ ପ୍ରଶାସକ ଯାଏଁ କେହି କର୍ଣ୍ଣପାତ କରୁ ନଥିବା ଅଭିଯୋଗ ହୋଇଛି ।