ମାଲକାନଗିରି: ଗୁରୁପ୍ରିୟା ଗଢି ତୋଳୁଛି ସମ୍ପର୍କରର ସେତୁ। ବିଛିନ୍ନାଅଞ୍ଚଳକୁ ସ୍ବାଭିମାନ ଅଞ୍ଚଳ ଭାବେ ଗଢି ତୋଳିବାକୁ ସରକାରଙ୍କ ପ୍ରୟାସ। ଯେଉଁଥିପାଇଁ ରାଜ୍ୟ ସରକାର ଗୁରୁପ୍ରିୟା ସେତୁ ଉଦ୍ଘାଟନ ସମୟରେ 100 କୋଟି ଟଙ୍କା ଘୋଷଣା କରିଥିଲେ । ଏହାସହ ଜିଲ୍ଲାପାଳଙ୍କ ଜରିଆରେ ଯୁଦ୍ଧ କାଳୀନ ଭିତ୍ତିରେ ବିଛିନ୍ନାଞ୍ଚଳର 151ଟି ଗ୍ରାମର ଉନ୍ନତି କରିବା ପାଇଁ ଅନେକ ଯୋଜନା ପ୍ରସ୍ତୁତି ହୋଇଛି ।
ସେହିପରି ଆଦିବାସୀଙ୍କ ଆର୍ଥିକ ଉନ୍ନତି ସକାଶେ ସରକାର ବାଲିମେଳା ଜଳଭଣ୍ଡାରରେ ୨୦ କୋଟି ଟଙ୍କାର ଯାଆଁଳା ମାଛ ଛାଡିବାର ବ୍ୟୟ ଅଟକଳ କରାଯାଇଥିଲା । ଏହି ଯୋଜନା ଅନ୍ତର୍ଗତ ଗତ ବର୍ଷ ୧୪ ଲକ୍ଷ ମାଛ ଯାଆଁଳା ଚିତ୍ରକୋଣ୍ଡା ଜଳଭଣ୍ଡାରରେ ଛଡ଼ାଯାଇଥିଲା ।
ପରେ ପରେ ଏହି ଯୋଜନା ଅନ୍ତର୍ଗତ ଦ୍ବିତୀୟ ପର୍ଯ୍ୟାୟରେ ବଡ଼ପଡା ପଞ୍ଚାୟତ ଅନ୍ତର୍ଗତ ଗୁରୁପ୍ରିୟା ସେତୁ ନିକଟରେ ବଡ ବଡ ଘେରି କରି ମାଲକାନଗିରି ଜିଲ୍ଲାପାଳ ମନୀଷ ଅଗ୍ରୱାଲ ଓ ଚିତ୍ରକୋଣ୍ଡା ବିଡିଓ ଲରୀମାନ ଖରସେଲଙ୍କ ଉପସ୍ଥିତିରେ ୬୦mm ରୁ ୮୦mm ର ଯାଆଁଳ ମାଛ ଛଡାଯାଇଥିଲା।
ଏହା ପରେ କୋପରେଟିଭ ସୋସାଇଟି ମାଧ୍ୟମରେ ଯାଆଁଳ ମାଛକୁ ୧୦୦ mm ପର୍ଯ୍ୟନ୍ତ ବଡ କରାଯାଇ ଚିତ୍ରକୋଣ୍ଡା ଜଳଭଣ୍ଡାରରେ ଛାଡିବାର ଯୋଜନା ଆରମ୍ଭ କରାଯାଇଛି। ଆଗାମୀ 4ବର୍ଷରେ ଏହି ଯୋଜନା ମାଧ୍ୟମରେ ୧ କୋଟି ୨୦ ଲକ୍ଷ ଯାଆଁଳା ଛାଡିବାର ବ୍ୟବସ୍ଥା କରାଯାଇଛି। ବର୍ତ୍ତମାନ ଗୁରୁପ୍ରିୟା ପ୍ରାଥମିକ ସମବାୟ ସମିତି, ସ୍ବାଭିମାନ ପ୍ରାଥମିକ ସମବାୟ ସମିତି, ଖାଦେଙ୍ଗେଶ୍ବର ସମବାୟ ସମିତି, ମା' ଦୁର୍ଗା ସମବାୟ ସମିତି, ନାମରେ ଚାରିଗୋଟି ସୋସାଇଟି ଗଠନ କରାଯାଇଛି ।