ମାଓ ଭୟରେ ମତଦାନ ବନ୍ଦ, ବିଚ୍ଛିନ୍ନାଞ୍ଚଳର 9 ବୁଥ୍‌ରେ ଜିରୋ ଭୋଟିଂ

ବିଚ୍ଛିନ୍ନାଞ୍ଚଳକୁ ଯାଇ ସୁରକ୍ଷିତ ଭାବେ ଫେରିଛନ୍ତି ପୁଲିଂ ଟିମ୍‌ । ହେଲେ ମାଓ ଭୟ ନେଇ ବିଚ୍ଛିନ୍ନାଞ୍ଚଳର 9ଟି ବୁଥ୍‌ରେ ରେକର୍ଡ ହେଲା ଜିରୋ ଭୋଟିଂ ।

ମାଲକାନଗିରି: ବିଚ୍ଛିନ୍ନାଞ୍ଚଳକୁ ଯାଇ ସୁରକ୍ଷିତ ଭାବେ ଫେରିଛନ୍ତି ପୁଲିଂ ଟିମ୍‌ । ସୂଚନା ଅନୁଯାୟୀ ବାୟୁସେନାର ହେଲିକାପ୍ଟର ଯୋଗେ ବିଚ୍ଛିନ୍ନାଞ୍ଚଳ ଗସ୍ତ କରିଥିଲେ ଏହି ପୁଲିଂ ଟିମ୍‌ । ତେବେ ମତଦାନ କେନ୍ଦ୍ରରେ ନିର୍ଦ୍ଧାରିତ କାର୍ଯ୍ୟ ସାରି ଗୁରୁବାର ସୁରକ୍ଷିତ ଭାବେ ଫେରିଛି ଏହି ଟିମ୍‌ ।

ହେଲେ ମାଓବାଦୀଙ୍କ ଭୋଟ ବର୍ଜନ ଡାକରା ଯୋଗୁଁ ଭୟଭୀତ ହୋଇ ଘରୁ ବାହାରି ନାହାନ୍ତି ଭୋଟର । ଫଳରେ କୁନ୍ତୁରପଦରେ ଥିବା ବିଚ୍ଛିନ୍ନାଞ୍ଚଳର 9ଟି ବୁଥରେ ଜିରୋ ଭୋଟିଂ ରେକର୍ଡ କରାଯାଇଛି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ