ମାଲକାନଗିରି: ମାଓବାଦୀ ଏନକାଉଣ୍ଟରରେ ଶହୀଦ ହେଲେ ମାଲକାନଗିରିର ଡିଭିଏଫ ଯବାନ ଜୟରାମ କବାସୀ । ତାଙ୍କର ଶହୀଦ ହେବା ପରେ ନିସ୍ତବ୍ଧ ହୋଇଥିଲା ମାଲକାନଗିରି ଜିଲ୍ଲା । ତାଙ୍କର ସ୍ମୁତି ଉଦ୍ଦେଶ୍ୟରେ ଜିଲ୍ଲା ପୋଲିସ ଓ ନାଗରିକ ସୁରକ୍ଷା ମଞ୍ଚ ପକ୍ଷରୁ ଏକ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ଅଗଷ୍ଟ28ତାରିଖରେ ମାଲକାନଗିରି ଜିଲ୍ଲା ଡାବୁଗୁଡା ଠାରେ ହୋଇଥିବା ମାଓବାଦୀ ଏନକାଉଣ୍ଟରେ ଡିଭିଏଫ ଯବାନ ଜୟରାମ କବାସୀ ଶହୀଦ ହୋଇଥିଲେ । ଏସପି ହୃଷିକେଶ ଖିଲାରୀ ଯୋଗ ଦେଇ ଡି.ଏନ.କେ ଖେଳ ପଡିଆଠାରେ ଏହି ଶୋଭାଯାତ୍ରାର ଶୁଭାରମ୍ଭ କରିଥିଲେ । ପରେ ଏହି କ୍ୟାଣ୍ଡେଲ ଶୋଭାଯାତ୍ରାରେ ଜିଲ୍ଲା ପୋଲିସର ସମସ୍ତ କର୍ମଚାରୀଙ୍କ ସହ ମାଲକାନଗିରିର ସମସ୍ତ ବିଦ୍ୟାଳୟ ଓ ମହାବିଦ୍ୟାଳୟର ଛାତ୍ରଛାତ୍ରୀ, ବୁଦ୍ଧିଜୀବୀ ଓ ଜିଲ୍ଲାର ସମସ୍ତ ସମାଜସେବୀ ସାମିଲ ହୋଇ ବସଷ୍ଟାଣ୍ଡସ୍ଥିତ ଆମ୍ବେଦକରଙ୍କ ପ୍ରତିମୂର୍ତ୍ତି ନିକଟକୁ ଯାଇଥିଲେ ।