ମାଲକାନଗିରି: ବିଜେପି ପ୍ରାର୍ଥୀ ତାଲିକା ଘୋଷଣା ପରେ ଦଳୀୟ କନ୍ଦଳ ପଦାରେ ପଡିଛି । ଟିକେଟ୍କୁ ନେଇ ପ୍ରମୁଖ ରାଜନୈତିକ ଦଳ ଗୁଡିକ ମଧ୍ୟରେ ଅସନ୍ତୋଷ ବୃଦ୍ଧି ପାଇଛି । ଟିକେଟ୍ ନ ପାଇ ଅନେକ ଆଶାୟୀ ବିଦ୍ରୋହ କରୁଥିବା ବେଳେ ମାଲକାନଗିରିରେ ମଧ୍ୟ ଟିକେଟ୍କୁ ନେଇ ବିଦ୍ରୋହ ମୁଣ୍ଡ ଟେକିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ମାଲକାନଗିରିର ଚିତ୍ରକୋଣ୍ଡା ନିର୍ବାଚନ ମଣ୍ଡଳ ପାଇଁ ବିଜେପି ପଦୁ ମାଝିଙ୍କୁ ଟିକେଟ୍ ଦେଇଛି । ଯାହାକୁ ନେଇ ବିଜେପିର ବରିଷ୍ଠ ନେତା ତଥା ପୂର୍ବତନ ଉପବାଚସ୍ପତି ପ୍ରହଲ୍ଲାଦ ଦୋରା ପ୍ରଶ୍ନ ଉଠାଇଛନ୍ତି । ସେ ପ୍ରଶ୍ନ କରିଛନ୍ତି ଶ୍ରୀ ମାଝି ଓବିସି ବର୍ଗର ହୋଇଥିବା ବେଳେ କିପରି ଆଦିବାସୀ ଜାତିଗତ ପ୍ରମାଣ ପତ୍ର ପାଇଲେ ? କେବଳ ସେତିକି ନୁହେଁ ପଦୁ ମାଝୀ ଜଣେ ଗଞ୍ଜେଇ ବ୍ୟବସାୟୀ ବୋଲି ଅଭିଯୋଗ କରିଛନ୍ତି ଶ୍ରୀ ଦୋରା । ଏଥିପାଇଁ ସେ ଜିଲ୍ଲାପାଳଙ୍କୁ ଚିଠି ଲେଖିଥିବା ଜଣାଇଛନ୍ତି ।