ମାଲକାନଗିରି: ଜିଲ୍ଲାରେ ପ୍ରତି ଦୁଇ ବର୍ଷରେ ଥରେ ପାଳିତ ହୁଏ ବଡଯାତ୍ରା। ବଡ ଯାତ୍ରାର ଠାକୁର ବାଲରାଜ-କୃଷ୍ଣ, କାନାମରାଜ-ଭୀମ, ପୋତରାଜ-ଅର୍ଜୁନ ଓ ଦେବୀ ମାଆ ମୁତ୍ୟାଲୁଆମ୍ମା-ଦୂର୍ଗା, ଆନ୍ଧ୍ରପ୍ରଦେଶର ପୋଲେରୁ ଠାରୁ ଏହି ଯାତ୍ରା ଆରମ୍ଭ କରି ଦୀର୍ଘ ୧୦୦ କିଲୋମିଟର ରାସ୍ତା ଅତିକ୍ରମ କରିବା ପରେ ମାଲକାନଗିରିରେ ଆସି ପହଞ୍ଚିଥାଆନ୍ତି। ପରେ ପହଞ୍ଚିବା ପରେ ସହରର ୩ଟି ସ୍ଥାନ କନ୍ୟାମାଝି ବନ୍ଧ, ମାଣ୍ଡିଆଭଟ୍ଟା ଓ ମାଉଲିଗୁଡି ସାହିରେ ୪ ଦିନ ଧରି ଚାଲେ ଠାକୁରଙ୍କ ବଡଯାତ୍ରା।
ଭିଡିଓ ସୌଜନ୍ୟ- ସମ୍ବାଦଦାତା, ମାଲକାନଗିରି
ଯାତ୍ରା ଦେଖିବା ପାଇଁ ଆନ୍ଧ୍ର, ଓଡିଶା ଓ ଛତିଶଗଡ ରାଜ୍ୟର ଲକ୍ଷାଧିକ ଭକ୍ତଙ୍କ ସମାଗମ ମଧ୍ୟ ହୋଇଥାଏ। ଗତକାଲି ରାତିରେ ମାଉଲି ମାଆ ମନ୍ଦିରରେ ପୂଜା ସାରିବା ପରେ ବଡଯାତ୍ରାର ଠାକୁରଙ୍କୁ ଆଗମନ କରିବା ଲାଗି ସିଂହାସନ ବାହାରିଥିଲା ମାନ୍ୟମକୋଣ୍ଡା ଅଭିମୁଖେ।