ମାଲକାନଗିରି:ପୋଲିସ ଗୁଳିରେ ଟଳିଲା ହାର୍ଡକୋର ମାଓବାଦୀ । ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ଦନ୍ତେୱାଡା ପୋଲିସ ଗୁଳିରେ ଜଣେ ହାର୍ଡକୋର ମାଓବାଦୀର ମୃତ୍ୟୁ ହୋଇଛି । ଆଜି(ମଙ୍ଗଳବାର) ଦନ୍ତେୱାଡାର ନିଲାବାୟା ଜଙ୍ଗଲରେ ପୋଲିସ ମାଓବାଦୀ ମଧ୍ୟରେ ଗୁଳିବିନିମୟ ହୋଇଥିଲା । ମୃତ ମାଓବାଦୀ ନାମରେ 5 ଲକ୍ଷ ଟଙ୍କା ପୁରସ୍କାର ରାଶି ରହିଥିଲା ।
ସୀମାନ୍ତରେ ଏନକାଉଣ୍ଟର, ଜଣେ ହାର୍ଡକୋର ମାଓବାଦୀ ମୃତ
ମଲାଙ୍ଗିରି ଏରିଆ କମିଟି ମାଓ ସଙ୍ଗଠନ ପକ୍ଷରୁ ନିଲାବାୟା ରାସ୍ତାକୁ କାଟି ଯୋଗାଯୋଗ ବିଛିନ୍ନ କରିବାକୁ ଚେଷ୍ଟା କରାଯାଉଥିବା ପୋଲିସ ଖବର ପାଇଥିଲା । ଏହାପରେ ଆରମ୍ଭ ହୋଇଥିଲା ପୋଲିସର ଅପରେସନ । ପୋଲିସ ଘଟଣାସ୍ଥଳରେ ପହଞ୍ଚିବା କ୍ଷଣି ମାଓବାଦୀ ଗୁଳି ଚାଳନା ଆରମ୍ଭ କରିଥିଲେ । ଉଭୟ ପକ୍ଷରୁ 20 ରୁ 25 ମିନିଟ ଗୁଳିବିନିମୟ ହୋଇଥିଲା ।